२४ जेठ, काठमाडौं ।
स्वास्थ्य तथा जनसंख्या मन्त्री शेरबहादुर तामाङले सम्पत्ति विवरण सार्वजनिक गरेका छन् ।
सोमबार स्वास्थ्य मन्त्रालयमा आयोजित पत्रकार सम्मेलनमार्फत मन्त्री तामाङले सम्पति विवरण सार्वजनिक गरेका हुन् ।
जनप्रतिनिधिको हैसियतमा काम तथा कार्वाहीलाई पारदर्शी तुल्याउन सम्पति विवरण सार्वजनिक गरेको तामाङले बताए ।
‘सार्वजनिक पद धारण गरेको व्यक्तिले सम्पत्ति विवरण सार्वजनिक गर्नुपर्छ, मैले पनि विवरण सार्वजनिक गरेको छु’ उनले भने ।
उनले सरकारी वेबसाइटमा पनि आफ्नो सम्पत्ति विवरण राख्ने बताए ।
सार्वजनिक पद धारण गरेको व्यक्तिले ६० दिनभित्र सम्पति विवरण सार्वजनिक गर्नुपर्ने संवैधानिक प्रावधान छ । मन्त्री तामाङले मन्त्री नियुक्त भएको चौथो दिनमै सम्पत्ति विवरण सार्वजनिक गरेका हुन् ।
