१९ असार, काठमाडौँ ।
ब्राजिल कोपा अमेरिका फुटबलको सेमिफाइनलमा प्रवेश गरेको छ । शनिबार बिहान भएको क्वाटरफाइनल खेलमा चिलीलाई १–०ले पराजित गर्दै १० खेलाडीमा समेटिएको ब्राजिलले अन्तिम चारको यात्रा तय गरेको हो ।
ब्राजिलको जितमा लुकास प्याक्वेटा नायक बने । खेलको ४६औँ मिनेटमा नेयमारको पासमा उनले गरेको गोल नै ब्राजिलको जितको लागि पर्याप्त बन्यो । त्यसको २ मिनेटमै ब्राजिल १० खेलाडीमा समेटिन पुग्यो । ग्राबियल जेसस रातो कार्ड खाँदै मैदानबाट बाहिरिएका थिए ।
