२७ असार, मकवानपुर ।
जबरजस्ती करणी गरेको अभियोगमा प्रहरीले एक जनालाई पक्राउ गरेको छ ।
पचपन्न वर्षीया महिलालाई जबरजस्ती करणी गरेको अभियोगमा हेटौंडा उपमहानगरपालिका–९ लाम्सुरेडाँडा बस्ने २४ वर्षीय भरत थापा मगरलाई शनिबार साँझ प्रहरीले पक्राउ गरेको हो ।
मगरले ती महिलालाई जबरजस्ती करणी गरी फरार रहेको भन्ने खबर प्राप्त हुनासाथ ईलाका प्रहरी कार्यालय पशुपतिनगरबाट खटिएको प्रहरीले मगरलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको केन्द्रीय प्रहरी समाचार कक्षले जनाएको छ ।
