विराटनगर ःनारायणगढ–मुग्लिन सडकखण्डमा आज गाडी चल्ने संभावना निकै कम छ । बिहान तोपे खोलामा अहिलेसम्मकै ठूलो पहिरो खसेपछि अवरुद्ध भएको सडकमा त्यहिं नजिकै कालिखोला र तोपे खोलाको बीचमा अर्को पहिरो खसेपछि आज दिनभरी नै गाडी चल्ने संभावना कम भएको हो ।
अहिले तोपे खोलाको पहिरो हटाउन काम सुरु भएको छ । तर फेरि अर्को पहिरो खसेकाले त्यहाँ पुग्न समय लाग्ने प्रहरीले जनाएको छ । त्यो पहिरो हटाउन आज दिनभरी नै लाग्ने प्रहरीको अनुमान छ । पहिरो खसेपछि अहिले यो सडकखण्डमा चल्ने गाडी रोकिँदा हजारौं यात्रु अलपत्र परेका छन् ।
पहिरो गएपछि काठमाडौंका लागि छुटेका गाडी जुगेडीमा र काठमाडौं जाने गाडी मुग्लिनमा रोकिएको प्रहरीले जनाएको छ । वर्षा सुरु भएसँगै दिनहुँ पहिरो खस्दा यो सडकखण्डको यात्रा जोखिमपूर्ण बन्दै गएको छ । यसअघि गएको मंगलबार र बुधबार खसेको ठूलो पहिरो १२ घण्टाभन्दा लामो समयमात्र हटाइएको थियो ।
