विराटनगर,असार ३१
एकअर्काको प्रेममा रहेका अभिनेत्री प्रियंका कार्की र अभिनेता आयुष्मान देशराज जोशीले अन्ततः इन्गेजमेन्ट गरेका छन् । गुपचुप रुपमा शनिवार एक पारिवारिक माहोलका बीच दुवैले औँठी साटेका हुन् ।
फिल्म ‘कथा काठमाडौ’ को छायांकनको बेलादेखि यी दुई प्रेममा रहेका थिए । मिडियामा खुल्लम खुल्ला प्रेममा रहेको बताउँदै आएको यो जोडीको इन्गेजमेन्ट समारोहमा कार्की र जोशी परिवारका सदस्यहरुको मात्र उपस्थिति थियो ।
आयुष्मानकी आमा रविना देशराजले आफ्नो इन्स्टाग्राममा केही तस्वीर शेयर गर्दै हुनेवाला बुहारी र छोरालाई बधाई दिएकी छन् । यस्तै, पूर्व मिस नेपाल जेनिशा मोक्तानले पनि औँठी साटेका दुवैलाई बधाई दिँदै सामाजिक सञ्जालमा तश्बिर राखेकी छन् ।
इन्गेजमेन्ट भएपनि प्रियंका र आयुष्मानको विवाहको मिति तोकिएको छैन । यी दुवैले ‘कथा काठमाडौ’ सँगै ‘चंगा चेट’, ‘छक्का पञ्जा २’ जस्ता फिल्ममा काम गरिसकेका छन् ।
