विराटनगर, साउन १५
मोरङबाट यसबर्ष २६ जना हजयात्री साउदी अरबको मक्का मदिना जाने भएका छन । काठमाडौबाट मक्का मदिनातर्फ उड्ने हजयात्रीलाई मंगलबार विराटनगरबाट विदाई गरिएको छ ।
कौमी एकता समाज नेपालले सम्मान तथा विदाई कार्यक्रमको आयोजनागर्दै हजयात्रीलाई विदाई गरेको हो । प्रदेश सभा सदस्य जयराम यादव,कौमी एकता समाजका अध्यक्ष इर्साद अंसारी र उपाध्यक्ष मोहम्मद नसरुलले उनीहरुलाई फुलमालासहित शुभकामना प्रदानगर्दै विदाइ गरे ।
मोरङबाट १४ पुरुष र १२ जना महिलागरी २६ जना हजयात्री साउदी अरब जान काठमाडौं गएका छन । साउन १७ गते हजयात्रीले त्यहांबाट प्रस्थान गर्ने तालिका छ ।
हजयात्रीलाई गृह मन्त्रालय मातहतको हज समितिले पाबिधिक संयोजन गरिरहेको छ । इस्लामधर्मका पाँच आधार स्तम्भमध्ये हजलाई मुख्य मानिन्छ ।
प्रत्येक मुसलमानको जीवनसंग हज धार्मिक एवम् ठूलो पुण्यप्राप्ति हुने, जीवनको सफलतासंग गांसिएको हुन्छ । हजयात्रामा गएका तीर्थालुहरुले बकर इदको दुईदिन अगाडि साउदी अरबको मक्कादेखि पांच किलोमिटर पूर्वको मीना मैदानमा भेला भएर इद–अल–अधा पर्व मनाउंछन् भने बांकी दुई दिन मक्काको भव्य मदिना मस्जिदमा नमाज एवम् प्रार्थना गरी हज मनाउंछन । हज गरेर आउने मुसलमानलाई हाजीको सम्मान दिइन्छ ।
यी हुन इस्लाम धर्मका पाँच आधार स्तम्भ
१. शहादा ( अल्लाह बाहेक कसैलाई पुजा गर्नुहुँदैन र पैगम्मर मोहम्मद प्रतिमात्र विश्वास राख्नुपर्छ)
२. सलात अर्थात नमाज ( दैनिक ५ पटक नामज पढ्नैपर्छ)
३. सौम अर्थात रोजा( रमजानको महिनामा सुर्यादय पश्चात र सुर्यास्त अघि दिनभर निराहार ब्रत बस्नु)
४. जकात(सक्षमले गरिब तथा असाहयलाई दान गर्नु)
५.हज
