विराटनगर, साउन २४
स्वर्गीय साखिचन्द सुपरसिक्स इन्डोर अन्तरविद्यालय क्रिकेट प्रतियोगिताको उपाधि बालदेव दुत स्कुलले जितेको छ । विराटनगरमा बिहिबार सम्पन्न खेलमा सिब्स स्कुललाई १ विकेटले हराउँदै बालदेव दुतले उपाधि जितेको हो ।
टस जितेर पहिले ब्याटिङ्ग गरेको शिब्स स्कुलले निर्धारीत ६ ओभरको खेलमा ५८ रनको योगफल तयार पारेको थियो । उसका लागि विवेक यादवले ३५ र राहुल सिंहले ७ रनको योगदान दिए । ५९ रनको विजय लक्ष्य सहित जवाफि व्याटिङमा उत्रिएको बालदेव दुतले अन्तिम विकेट बाँकी छँदा लक्ष्य पुरा गर्यो ।
बालदेव दुतका लागि सागर गुरुङले १९ र नरेश ओलीले ११ रनको योगदान गरे । खेलको म्यान अफ दी म्याच सागर गुरुङ घोषित भए । प्रतियोगिताको उत्कृष्ट ब्याट्सम्यान पनि सागर गुरुङ नै घोषित भए भने उत्कृष्ट बलर नरेश ओली, उत्कृष्ट खेलाडी विवेक यादव र उत्कृष्ट फिल्डर अभय मण्डल भए ।
प्रतियोगिताको अनुशासित टोली बुढानिलकण्ठ स्कुल र फेयर प्ले मार्टस मेमोरियल स्कुल घोषित भए । विराटनगरका क्रिकेटर अजय राजबंशीका बुवा स्व. साखिचंद राजबंशीको नाममा सुपरसिक्स इन्डोर अन्तरविद्यालय क्रिकेट प्रतियोगिता आयोजना गरिएको हो ।
