विराटनगर,साउन २९
नेपाल टेलिकमले चालु आर्थिक वर्षमा २७ लाख ३३ हजार टेलिफोन लाइन थप गर्ने भएको छ । टेलिकमको भ्वाइस सेवा अन्तर्गत नयाँ लाइन वितरण गर्ने भएको हो ।
टेलिकमले सिडिएमए प्रविधिका ८१ हजार ६ सय २, पोष्टपेडतर्फ ५९ हजार ८ सय ३० र प्रिपेडतर्फ २५ लाख ५० हजार मोबाइल लाइन वितरण गर्ने भएको छ भने पिएसटीएन(लेनलाइन) सेवातर्फ पनि ४२ हजार २ सय ६१ टेलिफोन लाइन वितरण गर्ने योजना रहेको टेलिकमले जनाएको छ ।
पिएसटीएन सेवामार्फत ग्रामीण तथा सहरी क्षेत्रमा आइपी प्रविधिका उपकरणबाट भ्वाइस, डाटा र अन्य सेवा पनि दिइने छ । टेलिकमको इन्टरनेट सेवालाई गुणस्तरीय बनाउन बिटीएस जडान गरिने भएको छ । सेवा विस्तार गरेर चालु आवमा १० प्रतिशतले नाफा वृद्धि गरी सञ्चालन आय ४४ अर्ब २५ करोड रुपैयाँ पुर्याउने टेलिकमको लक्ष्य रहेको छ ।
