१० चैत, काठमाडौँ । त्रिभुवन अन्तर्राष्ट्रिय विमानस्थलको सञ्चार उपकरणमा समस्या भएपछि उडान अवतरण प्रभावित भएको छ ।
बिहान ६ बजेअघि नै प्राविधिक समस्या देखिएकाले उडान अवतरणमा केही समस्या भएको तर अहिले समस्या समाधानका लागि काम भइरहेकाले खासै असर नपर्ने विमानस्थलका प्रवक्ता टेकनाथ सिटौलाले बताए ।
उनका अनुसार राडारमा समस्या देखिँदा उडान तोकिएको समयभन्दा आधा घण्टा ढिलो भइरहेको छ ।
अहिले पौने १२ बजेसम्ममा समस्या समाधान गर्ने गरी काम भइरहेको तर उडान नरोकेको उनले बताए । पुराना उपकरणका कारण बेलाबेलामा यस्तो समस्या आउने गरेको पनि उनले बताए ।
