काठमडौं,भदौ १
विप्लव नेतृत्वको नेकपाका प्रवक्ता खड्गबहादुर विश्वकर्मा ‘प्रकाण्ड’लाई सर्वोच्च अदालतले रिहा गरे लगत्तै प्रहरीले पक्राउ गरेको छ।जबरजस्ती चन्दा असुलेको अभियोगमा पक्राउ परेका विश्वकर्मालाई सर्वोच्चले शुक्रबार रिहा गर्न आदेश को थियो ।लगत्तै उनलाई काठमाडौं प्रहरीले पक्राउ गरेको हो।
उनका छोरा नरेन्द्रबहादुर विश्वकर्माले गृहमन्त्रालयलाई विपक्षी बनाउँदै दर्ता गरेको बन्दी प्रत्यक्षीकरण रिट दर्ता गरेका थिए ।साउन २८ गते बन्दी प्रत्यक्षीकरण रिटमाथि सुनुवाइ गर्दै कायम मुकायम प्रधानन्यायाधीश ओमप्रकाश मिश्रले महान्यायाधीवक्तको कार्यालयमार्फत् ४८ घण्टाभित्र बन्दीसहित अदालतमा उपस्थित गराउन आदेश दिएका थिए।
सोही मुद्दाको शुक्रबार सुनुवाइ गर्दै न्यायाधीश चोलेन्द्रशम्शेर जबरा र तेजबहादुर केसीले प्रकाण्डलाई रिहा गर्न आदेश दिएका थिए। प्रकाण्डलाई साउन २२ गते हेटौंडाबाट काठमाडौं आउने क्रममा सात करोड बढी चन्दा लिएको प्रमाणसहित सान २२ गते नेपाल प्रहरीले विशेष ब्यूरोले दक्षिणकालीबाट पक्राउ गरेको थियो।
