पाल्पा, ५ वैशाख । पाल्पामा ७० वर्षीया वृद्ध महिलामाथि बलात्कार गरेकाे आराेपमा प्रहरीले एक युवकलाई पक्राउ गरेकाे छ ।
रिब्दीकोट गाँउपालिकाको भैरवस्थान मन्दिरनजिकै ती वृद्धामाथि बलात्कृत भएकाे आराेप लागेकाे हाे ।
तानसेन नगरपालिकामा बस्दै आएकी महिलालाई बलात्कार गरेकाे आराेपमा रिब्दीकोट ४ भैरमस्थानका २७ वर्षीय सञ्जय सुनारलाई पक्राउ गरिएकाे प्रहरीले जनाएकाे छ ।
४ वैशाखकाे राति बलात्कार भएको सूचनाका आधारमा सञ्जयलाई पक्राउ गरेर अनुसन्धान थालिएको पाल्पा प्रहरी प्रवक्ता डीएसपी वीरेन्द्र थापाले जानकारी दिए ।
