विराटनगर, ६ वैशाख । १५ वर्षीया किशोरीलाई बाल यौन दुर्व्यवहार गरेको आरोपमा प्रहरीले एक युवालाई पक्राउ गरेको छ ।
उक्त आरोपमा प्रहरीले उदयपुरस्थित उदयपुरगढी गाउँपालिका–७ घर भएका २० वर्षीय युवकलाई ओखलढुंगा प्रहरीले पक्राउ गरेको हो । उनलाई सोमबार साँझ प्रहरीले पक्राउ गरेको हो ।
प्रहरी चौकी कोषाहाटबाट खटिएको प्रहरीले उनलाई पक्राउ गरेको हो । ती किशोरीलाई सुनकोशी गाउँपालिका–९ तेर्सेस्थित सार्वजनिक बाटोमा आइतबार बेलुकी बाल यौन दुर्व्यवहार गरेको प्रहरीले जनाएको छ ।
घटनाका सम्बन्धमा प्रहरीले थप अनुसन्धान गरिरहेको छ ।