१ जेष्ठ ,काठमाडौँ । काठमाडौँ महानगरपालिकामा एमालेका मेयरका उम्मेदवार केशव स्थापितले साँझ ८ बजेपछि बालेन शाहको चुरीफुरी समाप्त हुने बताएका छन् ।
नेपाल टाइम्स संग कुरा गर्दै स्थापितले सुरुवाती मत परिणामबाट हौसिएका बालेन शाहका कार्यकर्ताहरुले साँझबाट राष्ट्रियसभा गृह वरपर मुख समेत देखाउन नसक्ने
अवस्था आउने दावी गरेका छन ।
सुरुवाती मत गणनामा केशव स्थापित दोस्रो स्थानमा छन् भने पहिलो स्थानमा बालेन शाह र तेस्रो स्थानमा काँग्रेसकी उम्मेदवार श्रृजना सिंह रहेकी छिन् ।
सुरुवाती चरणमा बालेन शाहको पहिलो मत आइरहका बेला स्थापितले भने, म त अहिले एल्लो प्यागोडामा छु, राष्ट्रियसभा गृहतिर केही मानिसहरु हल्ला गर्दैछन् रे, ती बाबुनानीहरुको चुरीफुरी बेलुका ८ बजेसम्म मात्रै हो, त्यसपछि उनीहरु घर जान्छन् त्यसपछि म जान्छु । विजयी उत्सव मनाएर मात्रै फर्किन्छु ।’
अहिले स्वतन्त्र उम्मेदवार बालेन शाहले १३०० मतले अग्रता लिएका छन् । उनले मत २८२० रहदा केशव स्थापितको मत १५०७ रहेको छ ।
