९ जेष्ठ, विराटनगर । मोरङका १७ वटै पालिका नवनिर्वाचित प्रमुखहरुले आज पद तथा गोपनियताको सपथ लिएका छन् ।
विराटनगर महानगरपालिकाको सभाहलमा आयोजित सपथग्रहण समारोहमा जिल्ला न्यायाधीशबाट १७ वटै पालिकाप्रमुखहरुले सपथ लिएका हुन् ।
विराटनगर महानगरपालिकाका मेयर नागेश कोइरालाले जिल्ला न्यायाधीशबाट पद तथा गोपनियताको सपथग्रहण पश्चात महानगरपालिकाकी उपमेयर , वडाध्यक्ष तथा वडा सदस्यहरुलाई सपथ ग्रहण गराएका छन् ।
सोमबार मेयर उपमेयर लगायत १९ वटै वडाका जनप्रतिनिधीहरुले सपथ लिएका हुन् ।
मोरङका अन्य स्थानीय तहका प्रमुखहरुले पालिकाका अन्य जनप्रतिनिधिहरुलाई भने सम्बन्धित पालिकामा नै सपथ गराउने कार्यक्रम रहेको छ ।
सपथ ग्रहण कार्यक्रममा प्रमुख जिल्ला अधिकारी, सुरक्षा निकायका जिल्ला प्रमुख लगायतको सहभागिता रहेको थियो ।
