Nepal Times
Nepal Times
342
Shares

दुर्व्यवहार प्रकरणले कबड्डी-४ की नायिका मिरुना विवादमा, फिल्मको प्रर्दशन रोक्न माग

दुर्व्यवहार प्रकरणले कबड्डी-४ की नायिका मिरुना विवादमा, फिल्मको प्रर्दशन रोक्न माग

१७ जेष्ठ, विराटनगर । चलचित्र हेर्न आएका एकजना दर्शकलाई थप्पड हानेर प्रहरीकहाँ बुझाएको प्रकरणले सिनेमा घरमा राम्रो व्यापार गरिरहेको फिल्म कबड्डी ४ की मुख्य अभिनेत्री मिरुना मगर विवादमा फसेकी छन्।

फिल्म हेर्न आएका दर्शक फुर्वा तामाङलाई थप्पड हानी अभद्रव्यवहार गरेको भनी प्रहरीलाई बुझाइएको थियो। तामाङले माफी मागेर भूलबस छुन पुगेको पनि भनेका थिए।

यहि प्रकरणले अभिनेत्री मगर विवादको घेरामा पुगेकी छन्। यो घटनापछि उनको तिव्र विरोध र आलोचना हुन थालेको छ। सुन्धारास्थित सिभिल मलमा फिल्म हेर्न आएका मुगु घर भएका अन्दाजी २९ वर्षीय तामाङलाई नायिका मिरुनाले आइतबार साँझ झापड हानेकी थिइन्।

मिरुनाले सबैको अगाडि ‘तिमी सोच्छौ यो जोक हो?’ भन्दै उनलाई सबैको अगाडि माफी माग्न लगाइन् । कबड्डी ४ को प्रतिक्रिया लिन काठमाडौंको सिभिल मलमा पुगेकी मिरुनाले भीडमा दर्शकले आफ्नो संवेदनशील अंगमा छोएको भन्दै झापड हानिन्।

लामाको भेषमा रहेका मुगुका फुर्वा लामालाई मिरुनाले झापड हानेपछि प्रहरीको जिम्मा लगाइन्। अहिले फुर्वा प्रहरीको हिरासतमा छन्।

मिरुनाको यो कदमपछि सामाजिक सञ्जाल दुई कित्तामा विभाजित छ। एक पक्ष पक्राउ परेका लामाको पोशाक हेरेर उनको नियत गलत हुनै नसक्ने अडान लिइरहेका छन्। अर्काथरी तत्काल बोलेर मिरुनाले ठीक गरेको बताइरहेका छन्। फिल्म उद्योगकै धेरैले मिरुनाले गल्ती गरेको भन्दै माफी माग्नु पर्ने बताइरहेका छन्।

यसैबीच मिरुनाको उक्त कदमविरुद्ध सडकमा प्रदर्शन सुरु भएको छ। मंगलबार बिहान काठमाडौंको चाबहिलस्थित केएल टावर अगाडि कबड्डी–४ प्रदर्शन रोक्न माग गर्दै प्रदर्शन भएको हो।

प्रदर्शनमा सहभागीहरुले लामालाई रिहा गर्न माग गरेका छन्। आन्दोलित केहीले फिल्मको पोस्टरसमेत जलाएका छन्।

उनीहरुले, फुर्वा निर्दोष भएको भन्दै मिरुनाले माफी माग्नुपर्ने माग राखेका छन्। मिरुनाले झापड हानेपछि लामाले अन्जानमा छोइएको भनेर उनीसँग भिडमै माफी मागेका थिए।

प्रहरी हिरासतमा पनि उनले नियतवश नछोएको बताएका छन्। ‘कबड्डी ४’ फिल्म गत शुक्रबारबाट रिलिज भएको हो।

शुक्रबार र शनिबार दुई दिनमा ६ करोड रुपैयाँ कमाएर नेपाली बक्स अफिसमा नयाँ रेकर्ड राखेको बताइएको छ। फिल्मलाई देशभरका १ सय ५० हलहरूमा रिलिज गरिएको थियो।

तपाईंको प्रतिक्रिया

© copyright 2022 and all right reserved to Nepal Times | Design By : InDesign Media Pvt. Ltd.