३ साउन ,दाङ ।
गए रातिदेखि बन्द रहेको राप्ती राजमार्गको दाङ सल्यान खण्ड आज मङ्गलवार दिउँसोदेखि खुलेको छ ।राजमार्गको दाङ सल्यान सडक खण्डको चोरखोला नजिकै पहिरो जाँदा बन्द भएको सडक दिउँसो १ बजेदेखि सञ्चालनमा आएको जिल्ला प्रहरी कार्यालय सल्यानले जनाएको छ ।गए राति १० बजे खसेको पहिरो सडक विभाग र निर्माण कम्पनीको एक्स्काभेटरले पन्छाएपछि सडक सञ्चालनमा आएको हो । सडक बन्द हुँदा रोकिएका गाडी पहिरो पन्छाएपछि गन्तव्यतर्फ लागेको छन् ।