१९ मंसिर,एजेन्सी ।
कतारमा जारी फिफा विश्वकपमा आज सोमबार अन्तिम–१६ का दुई खेलहरू हुँदै छन् । कतारको अल जनौब रंगशालामा हुने आजको पहिलो खेलमा साबिक उपविजेता क्रोएसियाले जापानविरुद्ध खेल्दै छ । यो खेल नेपाली समयानुसार राति ८ः४५ बजेदेखि सुरु हुनेछ । जापान समूह ’ई’ को विजेताको रूपमा र क्रोएसिया समूह ’एफ’ को उपविजेताको रूपमा प्रिक्वार्टरफाइनल आएका हुन् ।
यस्तै, आजको दोस्रो खेलमा राति १२ः४५ बजे ब्राजिल र दक्षिण कोरियाबीच प्रतिस्पर्धा हुनेछ । यो खेल कतारको रंगशाला ९७४ मा हुनेछ । विश्वकपमा ब्राजिल समूह ’जी’ को विजेताको रूपमा र दक्षिण कोरिया समूह ’एच’को उपविजेताको रूपमा अन्तिम–१६ मा आएका हुन् । कतार विश्वकप फुटबलको नकआउट चरण अन्तर्गत आज सोमबार ब्राजिल र दक्षिण कोरियाबीच प्रतिस्पर्धा हुँदैछ ।
उपाधि दाबेदार ब्राजिलले स्टेडियम ९७४ मा एसियाली प्रतिद्वन्दी दक्षिण कोरियाको सामना गर्नेछ । दुई टोलीबीचको खेल राति १२ः४५ बजे सुरु हुनेछ । ब्राजिल आज दक्षिण कोरियालाई हराएर क्वाटरफाइनलमा स्थान पक्का गर्ने योजनामा रहेको छ । दक्षिण कोरियाविरुद्ध ब्राजिलका स्ट्राइकर नेयमार खेल्ने बताईएको छ । दक्षिण कोरिया पनि बलियो टोलीविरुद्ध उत्कृष्ट जित निकाल्दै अन्तिम आठमा पुग्न चाहन्छ ।
कतार विश्वकपको राउण्ड अफ १६ अन्तर्गत आज सोमबार जापान र क्रोएसियाबीच प्रतिस्पर्धा हुँदैछ । अल जानुब स्टेडियममा जापान र क्रोएसियाबीच प्रतिस्पर्धा हुनेछ । साबिक उपविजेता क्रोएसिया जापानलाई हराउँदै क्वाटरफाइनलमा स्थान बनाउने योजनामा रहेको छ । क्रोएसिया तेस्रो पटक क्वाटरफाइनलमा पुग्ने लक्ष्यमा रहेको छ ।
यता, जापान पनि क्रोएसियालाई हराएर क्वाटरफाइनलमा स्थान बनाउने योजनामा रहेको छ । जापान पहिलो पटक क्वाटरफाइनलमा पुग्न चाहन्छ । जापान तेस्रो पटक नकआउट चरणमा प्रवेश गरेपनि क्वाटरफाइनलमा पुग्न सकेको छैन । जापान र क्रोएसियाबीच हालसम्म तीन खेलमा प्रतिस्पर्धा भएको छ । जसमा जापान र क्रोएसियाले १÷१ खेल जितेको छ ।
दुई टोलीबीचको एक खेल बराबरीमा सकिएको छ । जापानमा शुइची गोन्डा, ताकेहिरो तोमियास, माया योशिदा, शोगो थानिगुची, युटो नागातोमो, जुन्या इटो, वाटरु इन्डो, हिडेसामा मोरिटा, ताकेफुसा कुबो, दाइची कामदा, ताकुमा असानो रहेका छन् ।
यस्तै क्रोएसियामा डोमिनिक लिभाकोभिच, जोसिप जुरानोभिच, डेजेन लोभ्रेन, जोस्को, ब्रोनो सोसा, लुका मोड्रिच, मार्सेलो ब्रोजोभिच, माटियो कोभासिच, आन्द्रेज क्रमारीच,इभान पेरिसिच, मार्को लिभाजा रहेका छन् । यस खेलमा जापानका ताकेफुसा कुबो र क्रोएसियाका लुका मोड्रिच प्लेयर्स टु वाचमा रहने छन् ।
यस्तै ब्राजिल समूह ’जी’ को विजेता र दक्षिण कोरिया समूह ’एच’ को उपविजेता बन्दै नकआउट चरणमा पुगेका हुन् । ब्राजिल र दक्षिण कोरियाबीच हालसम्म ७ खेलमा प्रतिस्पर्धा भएको छ । जसमा ६ खेल ब्राजिलले जितेको छ । दक्षिण कोरियाले एक खेलमा जित निकालेको छ । ब्राजिलको सुरुवाती ११ मा एलिसन, डानिलो, मार्क्विवन्होस, सिल्भा, सान्ड्रो, फ्रेड, कासिमिरो, नेयमार, पाक्वेटा, राफिन्हा, रिचार्लिसन रहेका छन् ।
जहाँ नेइमार देखिने संभावना कम रहेको छ । यता दक्षिण कोरियामा किम सेउङग्यु, किम मुनहवान, किम योङगवान, किम मिन्जाए, किम जिन्सु, जुङ वु योङ, ह्वाङ इनबिओम, ली जेसुङ, ह्वाङ हेचन, सन ह्युङ मिन, ह्वाङ उइजो रहेका छन् । यस खेलमा ब्राजिलका रिचार्लिसन र दक्षिण कोरियाका सन ह्युङ मिनलाई प्लेयर्स टु वाचमा राखिएको छ ।
