२९ माघ ,विराटनगर ।
माघ १९ देखि सुरु भएको पहिलो सीएनआई कोशी एक्स्पो २०७९ शनिबार भव्यताका साथ सम्पन्न भएको छ । संकटोन्मुख रहेको मुलुकको अर्थतन्त्रलाई एक्स्पोका माध्यमबाट थोरै भएपनि चलायमान बनाउन भन्दै नेपाल उद्योग परिसंघ (सीएनआई) प्रदेश १ ले आयोजना गरेको १० दिने एक्स्पोमा करीव चार लाख अवलोकनकर्ताहरुले अवलोकन गरेका छन् भने ३० करोडको कारोबार भएको (सीएनआई) प्रदेश १का अध्यक्ष भीम घिमिरेले बताए ।
कठिन अवस्थामा हरेक कुरालाई जुटाएर पहिलो पटक आयोजना गरिएको एक्स्पो सोचेभन्दा धेरै सफल भएको उनकोे दाबी गरेको छ । घिमिरेले उनले महिला उद्यमी, साना तथा लघु, घरेलु उद्यमीहरुको उत्साहपूर्ण सहभागीताका लागि स्थानीय तहहरुले गरेको सहयोग धेरै अर्थपूर्ण रहेको बताए ।
साना उद्यमीहरुले निशुल्क रुपमा स्टलहरु प्राप्त गरेर आफ्ना उत्पादन बजारमा पु¥याउन पाएको भन्दै एक्स्पो अविस्मरणीय रहेको बताए । सगरमाथादेखि केचनासम्मको झल्को आउने गरी प्रदेश १ लाई चिनाउन र विभिन्न जातजातीका खाना परिकारको प्रवद्र्धनमा एक्स्पो महत्वपूर्ण अवसर बनेको जानकारी दिए ।
उनले एक्स्पोलाई असफल पार्ने उद्धेश्यले विभिन्न पक्षहरु लागेर अदालतसम्म पु¥याएपनि त्यसले आयोजक टिमलाई अझ सक्रिय भएर काम गर्न सहयोग पुगेको टिप्पणी गरे । समापन समारोहका प्रमुख अतिथि प्रदेश १ का मुख्यमन्त्री हिक्मतकुमार कार्कीले आर्थिक क्षेत्र नै आत्तिएको अवस्थामा अहिले मुलुकभर विभिन्न स्थानमा भइरहेका एक्स्पो तथा प्रदर्शनीहरुले थोरै भएपनि अर्थतन्त्रलाई चलायमान बनाउन सहयोग पु¥याएको बताए।
उनले सीएनआई कोसी एक्स्पोले विराटनगरको मात्रै नभई प्रदेश १ कै आर्थिक गतिविधि बढाउनुका साथै उद्योगी व्यवसायीहरुको मनोबल माथि उठाउन पनि सहयोग पु¥याएको दाबी गरे । समापन समारोहमा महिला, वालवालिका तथा ज्येष्ठ नागरिकमन्त्री भगवति चौधरीले विराटनगरदेखि धरानसम्मको आर्थिक क्षेत्रमा औधोगिक लगानी बढाउनका लागि आफुले पनि पहल गर्ने बताइन् ।
आफु पनि आर्थिक रुपमा अघि बढ्ने र राज्यलाई पनि कर तिरेर योगदान गर्ने उद्योगी व्यवसायीहरुको अप्ठेरोलाई हटाउन सरकारमा आफुले पनि लविङ गर्ने जानकारी दिइन् । विराटनगर महानगरपालिकाका मेयर नागेश कोइरालाले विराटनगरमा हुने आगामी एक्स्पो अझ राम्रो र व्यवस्थित रुपमा आफ्नै प्रदर्शनी स्थलमा गर्नका लागि महानगरपालिकाले सकेको सहयोग पु¥याउने विश्वास दिलाए ।
एक्स्पोको उद्घाटनमा उत्कृष्ट झाँकी प्रदर्शन गर्ने नेपाल मुण्डा समाज, थारु कला केन्द्र र नेपाल बाँतर सरदार समाजलाई सम्मान गरिएको थियो । एक्स्पोमा हिमाल पहाड तथा तराईका उत्पादन समावेश थियो भने भारतीय कम्पनीका पनि स्टल राखिएको थियो ।
हरेक दिन सांस्कृतिक कार्यक्रम आयोजना गरिएको एक्स्पोमा मार्सी चामल, गुन्द्रुक, टिम्बुरको अचारदेखि हस्तकला, राठीपाख देखि सवारी साधनको पनि उल्लेखीय कारोबार भएको आयोजकले जनाएको छ ।
