Nepal Times
Nepal Times
3
Shares

बाबुरामले उपेन्द्रलाई दिए दनक, भने चुनाव भ¥याङ नबनोस्

बाबुरामले उपेन्द्रलाई दिए दनक, भने चुनाव भ¥याङ नबनोस्

२१ चैत, काठमाण्डौ ।

प्रतिनिधिसभाका रिक्त तीन निर्वाचन क्षेत्र तनहुँ, चितवन, बारामा आगामी वैशाख १० मा हुने उपनिर्वाचनका लागि आज मनोनयन दर्ता हुँदै छ । यसै संदर्भ पारेर नेपाल समाजवादी पार्टीका अध्यक्ष तथा पूर्वप्रधानमन्त्री डा. बाबुराम भट्टराईले नेपालमा हुँदै आएको चुनावमाथि टिप्पणी गरेका छन् ।

उनले नेपालमा चुनाव र उपचुनाव केबल नेताहरूलाई जसरी पनि सत्तामा पु¥याउने भ¥याङ बन्न लागेको टिप्पणी गरेका छन् । अध्यक्ष भट्टराईले आज ट्वीट गर्दै चुनाव केही वर्ष र महिनामा अमूक पार्टी र नेतालाई सत्तामा पु¥याउने र राज्यदोहनको लाइसेन्स दिने कर्मकाण्ड नभएको उल्लेख गरेका छन् ।

उनले जनताद्वारा जनताका निम्ति जनताको सार्वभौमसत्ताको अभ्यास गर्ने पवित्र विधि र अवसर चुनाव भएपनि पछिल्लो समय केही नेतालाई जसरी पनि सत्तामा पु¥याउने भ¥याङ बन्दै गइरहेको र यसलाई रोक्नुपर्ने लेखेका छन् ।

उनले लेखेका छन्, ‘चुनाव केही वर्ष÷महिनामा अमूक पार्टी÷नेतालाई सत्तामा पु¥याउने र राज्यदोहनको लाइसेन्स दिने कर्मकाण्ड हैन, यो जनताद्वारा जनताको निम्ति जनताको सार्वभौमसत्ताको अभ्यास गर्ने पवित्र विधि÷अवसर हो’, । ‘हाम्रो लोकतन्त्रमा चुनाव÷उपचुनाव केही नेतालाई जसरी पनि सत्तामा पु¥याउने भ¥याङ बन्दै छ, रोकौँ।’

आगामी उपनिर्वाचनका लागि मंसिरमा सम्पन्न संघीय निर्वाचनमा पराजय व्यहोरेका अधिकांश व्यक्तिहरु नै पुनः उम्मेदवार बन्दैछन् । भट्टराईको अभिव्यक्ति चुनाव हारेको तीन चार महिनामै फेरि उम्मेदवार बन्न आएकाहरूप्रति लक्षित रहेको बुझ्न सकिन्छ । अहिले खासगरी बारामा उम्मेदवार बन्न लागेका अधिकांश उम्मेदवारहरु मंसिरको निर्वाचनमा पराजित भएकाहरु रहेका छन् ।

त्यसमा पनि खासगरि जसपा अध्यक्ष उपेन्द्र यादवप्रति उनको टिप्पणी लक्षित भएको कतिपयको बुझाई छ । त्यसैले उनले विचार पु¥याएर भोट हाल्न मतदातालाई अपिल गरेका छन् । गत मंसिरको चुनावमा बाबुरामले चुनाव लडेका थिएनन् ।

उनले आफ्नो निर्वाचन क्षेत्र माओवादी केन्द्रका अध्यक्ष पुष्पकमल दाहाललाई छाडेका थिए । बाबुरामले पूर्व प्रधानमन्त्री तथा पटक पटक राज्यको नेतृत्वमा रहेकाहरु संसद छिर्न लाइन लाग्न नहुने भन्दै संसदीय चुनावमा आफू उम्मेदवार नहुने बताएका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.