Nepal Times
Nepal Times
3
Shares

अमेरिकामा एक वर्षमा ११ पटक ब्याज वृद्धि

अमेरिकामा एक वर्षमा ११ पटक ब्याज वृद्धि

११ साउन,एजेन्सी ।
अमेरिकी केन्द्रीय बैंक फेडरल रिजर्भले फेरि ब्याजदर वृद्धि गरेको छ । फेडरल रिजर्भले बुधबार ब्याजदरमा ०.२५ प्रतिशत वृद्धि गरेको हो । पछिल्लो वृद्धिसँगै अमेरिकामा केन्द्रीय बैंकको बेन्चमार्क ओभरनाइट ब्याजदर बढेर ५.५ प्रतिशत पुगेको र यो २२ वर्ष यता कै उच्च बिन्दु रहेको सीएनबिसीले उल्लेख गरेको छ ।

मूल्यवृद्धिलाई नियन्त्रण गर्नको लागि ब्याजदर वृद्धि गरिएको फेडरल रिजर्भले जनाएको छ । मूल्यवृद्धि दर २ प्रतिशतमा नझरेसम्म ब्याज वृद्धि गरिरहने फेडले जनाएको छ । हाल मूल्यवृद्धि दर ३ प्रतिशत रहेको सीएनबिसीले उल्लेख गरेको छ । जुनमा ब्याज दर स्थिर राखेपनि फेडले जुलाईमा भने बढाएको हो ।

गत वर्षको मार्च यता हालसम्म फेडले ११ पटक ब्याज वृद्धि गरिसकेको छ । ब्याज बढेसंगै अमेरिकी शेयर बजार गिरावट आएको छ । फेडले मन्दीको सम्भावना भने टरेको जनाएको छ । यस्तै फेडले यो वर्ष ब्याजदरमा थप बृद्धि गर्ने संकेत दिएको छ । फेडरल रिजर्भ बैंकका प्रमुख जेरोम पावेलले पत्रकार सम्मेलनमा मुद्रास्फीति नियन्त्रणमा नआएसम्म केन्द्रीय बैंकले यस्तो कदम चाल्न सक्ने बताएका छन् ।

मुद्रास्फीति लक्ष्य २ प्रतिशतमा झरेकोमा विश्वस्त नहुन्जेल आर्थिक नीति परिमार्जन गरिरहने उनले बताएका छन् । अन्तराष्ट्रिय संचारमाध्यामहरुका अनुशार उनले भनृका छन्,आवश्यक परे यसलाई थप कडाइ गर्न तयार छौं । हामीले यो प्रक्रियामा अझै लामो यात्रा गर्न बाँकी छ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.