८ भदौ ,एजेन्सी।
लगभग साढे दुई वर्षपछि, पूर्व अमेरिकी राष्ट्रपति तथा रिपब्लिकन नेता डोनाल्ड ट्रम्पले सोशल मिडिया प्लेटफर्म ट्विटर अर्थात एक्समा फर्किएका छन् । उनले आफ्नो मगसट अर्थात् जेलबाट रिहा भएको तस्बिर ट्विट गरेका छन् । तस्बिर सँगै उनले आफ्नो वेबसाइटको जानकारी पनि सेयर गरेका छन् । यसमार्फत उनको अभियानका लागि पैसा उठाइने गरिन्छ ।
यसअघि ट्रम्पले ८ जनवरी २०२१ मा ट्विट गरेका थिए र त्यसपछि उनले आज मात्रै यो प्लेटफर्म प्रयोग गरेका छन् । ट्रम्पलाई ट्विटरबाट प्रतिबन्ध लगाइएको थियो र उनको आफ्नै सामाजिक मिडिया प्लेटफर्म, ट्रुथ सोसल सुरु गरेका थिए । तर आशा गरिए अनुशार ट्रुथले लोकप्रियता पाउन सकेको छैन् ।
गत वर्ष, एक्सका नयाँ मालिक एलन मस्कले ट्रम्पमाथिको प्रतिबन्ध हटाए, तर यसका बाबजुद पनि ट्रम्पले यो प्लेटफर्म प्रयोग गरिरहेका थिएनन् । मस्क आफैंले ट्रम्पको ट्विटर खाता पुनर्स्थापित गर्ने योजनाको बारेमा ट्वीट गरेका थिए । मस्कले सहभागीहरूलाई ट्रम्प ट्विटरमा फर्कने कि नपर्ने भनेर सोध्ने अनलाइन सर्वेक्षण गरेका थिए ।
यस सर्वेक्षणमा १ करोड ५० लाख ८५ हजार ४ सय ५४ जना मानिसहरूले आफ्नो राय व्यक्त गरेका थिए । जसमा करिब ५१.८ प्रतिशत ट्रम्पको खाता पुनर्स्थापनाको पक्षमा थिए भने ४८.२ प्रतिशतले विपक्षमा थिए । अहिले ट्रम्प एक्समा फर्किएपछि एक्सका मालिक एलन मस्कले ट्रम्पको ट्विटमा प्रतिक्रिया दिएका छन् ।
ट्रम्पको ट्विटमा एलन मस्कले लेखेका छन् – नेक्स्ट लेभल । एक्समा फर्किएपछि ट्रम्पको खातामा देखिने अन्तिम ट्वीट जनवरी ८, २०२१ बाट भएको थियो। यसमा लेखिएको थियो, “सबैलाई सोध्नु भएको छ, के म जनवरी २० मा हुने सपथ ग्रहण समारोहमा उपस्थित हुने छैन।“ ट्रम्पको एकाउन्ट रिस्टोर भएको बेला उनका फलोअर्स १० लाखमा देखिएका थिए तर ३० मिनेटमै यो संख्या बढेर २१ लाख पुगेको थियो ।
