Nepal Times
Nepal Times
3
Shares

’गदर २’ले बनायो रेकर्ड, कमायो ५ सय करोड

’गदर २’ले बनायो रेकर्ड, कमायो ५ सय करोड

१८ साउन, काठमाण्डौ ।
बलिउड चर्चित अभिनेता सनी देओल र अमीषा पटेल अभिनित ’गदर २’ चलचित्रले भारतीय बक्स अफिसमा सबैभन्दा छिटो ५ सय करोड कमाउने हिन्दी फिल्मको रेकर्ड बनाएको छ । चलचित्रले प्रदर्शनको २४ औं दिनमा उक्त रेकर्ड राखेको हो। हिन्दी फिल्म बजार विश्लेषक तरण आदर्शका अनुसार भारतमा फिल्मले ५०१ करोड १७ भारू कमाएको छ।

५ सय करोड कमाउन शाहरूख खानको ’पठान’ लाई २८ दिन लागेको थियो भने ’बाहुबली २’ को हिन्दी संस्करणलाई ३४ दिन लागेको थियो। योसँगै ’गदर २’ ५ सय करोड क्लबमा सामेल हुने तेस्रो हिन्दी फिल्म बनेको छ। अहिलेसम्म भारतमा ’बाहुबली २’ र ’पठान’ मात्रै ५ सय करोड क्लबमा समावेश भएका छन्।

’पठान’ ले ५४३ करोड कमाएको थियो भने ’बाहुबली २’ को हिन्दी संस्करणले ५१० करोड कमाएको थियो। फिल्मले पहिलो हप्तामा २८४.६३ करोड, दोस्रो हप्तामा १३४.४७ करोड र तेस्रो हप्तामा ६३.३५ करोड कमाएको थियो । आइतवारको कलेक्सनको प्रारम्भिक ट्रेन्ड अनुसार फिल्मले करिब ८.५० करोडको कमाई गर्दै ५०० करोडको आँकडा पार गरेको छ ।

रिलिजको २४ औँ दिन आठ करोड ५० लाखको कलेक्सन गरेसँगै फिल्म ‘गदर २’ ले घरेलु बक्स अफिसमा अहिले ५०१ करोड ८७ लाख रुपैयाँ कमाएको छ । हिन्दीमा रिलिज भएका फिल्महरूको हिसाबले, पहिलो फिल्म ‘बाहुबली २’ ले सन् २०१७ मा हिन्दी डब संस्करणबाट ५१०.९९ करोड कमाएको थियो।

यो रेकर्ड यसै वर्षको सुरुमा रिलिज भएको शाहरुख खानको फिल्म ‘पठान’ ले सुधारेको हो । फिल्म ‘पठान’को हिन्दी संस्करणले करिब ५४३ करोड रुपैयाँ कमाएको छ । यस हिसाबले फिल्म ‘गदर २’ ५ सय करोड क्लबमा प्रवेश गर्ने देशकै दोस्रो हिन्दी फिल्म बनेको छ ।

अनिल शर्माले निर्देशन गरेको फिल्ममा सनी देओल, अमीषा पटेल, उत्कर्श शर्मा, मनिष वधवा, गौरव चोपडा, लुभ सिन्हा, सिम्राट कौरलगायत कलाकारको अभिनय छ। फिल्मको कथा शक्तिमान तलवारले लेखेका हुन्। सन् २००१ मा प्रदर्शन भएको ’गदर’ ले भारतीय बक्स अफिसमा राम्रो कमाइ गरेको थियो।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.