Nepal Times
Nepal Times
3
Shares

प्रधानमन्त्रीले अमेरिका र चीनमा के गर्नेछन् ?

प्रधानमन्त्रीले अमेरिका र चीनमा के गर्नेछन् ?

२९ भदौ, काठमाण्डौ ।
प्रतिनिधिसभा बैठक दुई साताका लागि स्थगन गरिएको छ । शुक्रबारको प्रतिनिधिसभा बैठकमा सभामुख देवराज घिमिरेले असोज १४ गते दिउँसो १ बजे बस्ने गरी बैठक स्थगन भएको जानकारी दिए । त्यसअघि प्रतिनिधिसभा बैठकमा आज प्रधानमन्त्री पुष्पकमल दाहाल ‘प्रचण्ड’ले संयुक्त राष्ट्रसंघको महासभा तथा चीन भ्रणको विषयमा सदनलाई जानकारी गराएका थिए ।

प्रधानमन्त्रीका अनुशार अमेरिकामा अल्पविकसित राष्ट्रहरूको समूहको अध्यक्षको हैसियतमा नेपालले ४७ वटा मुलुकको प्रतिनिधित्व गर्दै साझा चासोका विषयहरूमा विभिन्न मञ्चमा धारणाहरू राख्ने छ । उनले असोज ४ गते महासभालाई सम्बोधनगर्ने छन् । उनी महासभाका दौरान आयोजना हुने विभिन्न उच्चस्तरीय बैठकहरूमा सहभागि हुनेछन् ।

उनले महासचिव एन्टोनियो गुटेरस लगायत विभिन्न मित्र राष्ट्रका राष्ट्रप्रमुख एवं सरकार प्रमुखहरूसँग द्विपक्षीय र बहुपक्षीय भेटवार्ता गर्ने छन् । प्रधानमन्त्री असोज २ मा अमेरिकाका राष्ट्रपतिले आयोजना गर्ने जलपान कार्यक्रममा समेत सहभागी हुने तय भएको छ । उनी अमेरिकाबाटै असोज ५गते छिमेकी चीनको औपचारिक भ्रमणका लागि हाङ्गजाउ जाने कार्यक्रम तय भएको छ ।

यस भ्रमणले नेपाल–चीनबीच विद्यमान द्विपक्षीय सम्बन्ध थप उच्च र प्रगाढ हुनेछ भन्ने विश्वास आफूले लिएको उनले बताएका छन् । उनले हाङ्गजाउमा नै चिनियाँ राष्ट्रपति सी जिनपिङसँग भेटघाटको कार्यक्रम रहेको छ । यस्तै सोही दिन म १९ औं एसियन गेमको समुद्घाटन समारोहमा सहभागी हुनेछन् । त्यस्तै २५ सेप्टेम्बरमा बेइजिङ्गमा समकक्षी छियाङ्सँग मेरो भेटघाट तथा द्विपक्षीय वार्ताको कार्यक्रम रहेको छ ।

त्यसपछि उनी कृषि तथा प्रविधिको क्षेत्रमा छोटो समयमै उच्च सफलता हासिल गरेको चीनको छोङछिङ्ग महानगरपालिकामा रहेको छोङछिङ्ग एकेडमी अफ एग्रीकल्चरल साइन्स क्षेत्रहरूको अवलोकन गर्ने कार्यक्रम रहेको छ । उनी चीनको तिब्बत स्वशासित क्षेत्रको भ्रमणमा जाने र त्यहाँका उच्चपदस्थ अधिकारीहरूसँग भेटवार्ता गरी नेपालफर्कने कार्यक्रम रहेको छ ।

प्रधानमन्त्री प्रचण्डको न्युयोर्क र चीन भ्रमणपछि फर्केर बस्ने गरी प्रतिनिधि सभाको बैठक स्थगित भएको छ । प्रधानमन्त्रीले न्युयोर्क भ्रमणअघि संक्रमणकालीन न्याय सम्बन्धि बेपत्ता नागरिक खोजीबीन, सत्य निरुपण तथा मेलमिलाप विधेयक प्रतिनिधि सभामा पेश गर्न चाहेका थिए ।

तर, प्रमुख प्रतिपक्षी दल नेकपा एमालेका अध्यक्ष केपी शर्मा ओली सहमत नभएपछि १६ दिनपछि बस्नेगरी बैठक स्थगित भएको छ । प्रधानमन्त्री प्रचण्ड संयुक्त राष्ट्रसंघको ७८ औं महासभालाई सम्बोधन गर्न शनिबार न्ययोर्क जाँदैछन् ।

उनी उतैबाट असोज ४ गते चीन जानेछन् । टीआरसी विधेयकमा सहमति जुटाउन बनाइएको ११ सदस्यीय उपसमितिले लगभग सबैमा सहमति जुटाइसकेको छ । तर, एमाले अध्यक्ष ओलीले सहमति नदिएकै कारण उपसमितिले अन्तिम प्रतिवेदन लेख्ने काम जारी राखेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.