Nepal Times
Nepal Times
3
Shares

भारतमा नबिकेका नेपाली खेलाडीलाई पाकिस्तानले पनि किनेन

भारतमा नबिकेका नेपाली खेलाडीलाई पाकिस्तानले पनि किनेन

२८ मंसिर, एजेन्सी ।
विश्वको ठूलो भारतीय क्रिकेट फ्रेन्चाइज आइपिएलको अक्सनमा नबिकेका नेपाली क्रिकेट खेलाडी पाकिस्तानी सुपर लिग (पिएसएल) को ड्राफ्टमा परेर पनि कुनै पनि फ्रेन्चाइज क्लबमा अनुबन्धन हुन सकेनन् । बुधबार राति सम्पन्न ड्राफ्टमा फ्रेन्चाइज टोलीले नेपाली खेलाडी अनुबन्ध गर्न इच्छा देखाएनन् ।

यसअघि गत वर्ष पनि नाम दर्ता गराए पनि खेलाडी अनुबन्धनका लागि पिएसल क्लबहरू तयार भएका थिएनन् । पाकिस्तान सुपर लिगको लागि नेपालबाट १० खेलाडीले नाम दर्ता गराएका थिए । सन्दीप लामिछाने (प्लाटिनियम) गुलशन झा (गोल्ड), आरिफ शेख, आशिफ शेख, अर्जुन साउद, देव खनाल, दीपेन्द्रसिंह ऐरी, कुशल भुर्तेल, कुशल मल्ल र सोमपाल कामी (सिल्भर) क्याटगोरीको ड्राफ्टमा रहेका थिए ।

प्लाटिनम समूह’ को सूचीमा परेका खेलाडीलाई कुनै टोलीले खरिद गरेमा १ लाख ३० हजारदेखि एक लाख ७० हजार अमेरिकी डलर पारिश्रमिक पाउने प्रावधान छ । सन्दीपले यसअघि पनि पाकिस्तान सुपर लिग खेलिसकेका छन् । सन्दीपले यसअघि लाहोर क्वालन्डर्सबाट पाकिस्तान सुपर लिग खेलेका थिए ।

पाकिस्तान सुपर लिगको आगामी संस्करण सन् २०२४ को फेब्रुअरी १३ देखि मार्च १९ सम्म सञ्चालन हुने छ ।यसअघि विश्व प्रतिष्ठित टी–२० फ्रेन्चाइज आइपिएलको अक्सन लिस्टमा समेत नेपाली खेलाडी पर्न असफल रहेका थिए ।पछिल्लो समय नेपाललाई एकदिवसीय विश्वकप छनोट, एसियाकप, एसियाड, टी–२० विश्वकप सम्म पु¥याउँदा उत्कृष्ट प्रदर्शन गरे पनि विश्व फ्रेन्चाइज टोलीको नजरमा भने नेपाली खेलाडी पर्न असफल भइरहेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.