Nepal Times
Nepal Times
3
Shares

चर्चा भयो भन्दै उल्टै मख्ख छन् मन्त्री किराँती,दिए धन्यवाद

चर्चा भयो भन्दै उल्टै मख्ख छन् मन्त्री किराँती,दिए धन्यवाद

५ पुष ,विराटनगर ।

क्रिश्चियन धर्म नमान्नेहरूलाई संविधानविरोधी र देशद्रोहीको संज्ञा दिदै जेल पठाउने अभिब्यक्ति दिएपछि राजीनामा माग गरिएका संस्कृति पर्यटन तथा नागरिक उडड्न मन्त्री सुदन किरातीले आफ्नो चर्चा भएको जस्तो ठानी क्षमायाचनाको साटो उल्टै बहसका लागि सबैलाई धन्यवाद दिएका छन् ।

अभिव्यक्तिको सर्वत्र आलोचना भएपछि प्रष्टीकरण दिँदै पर्यटनमन्त्री किराँतीले बहसका लागि सबैलाई धन्यवाद भन्दै संविधानलाई पालना गर्दै भ्रातृत्व र सहिष्णुता कायम गर्न र अतिवादलाई परास्त गर्दै राष्ट्रिय एकता कायम गरौं भन्ने आफ्नो जोड रहेको जिकिर गरेका छन् ।

सामाजिक सञ्जालमा उनले लेखेका छन् ‘भन्नलाई त मलाई पशुपतिनाथ सफा गर्दा हिन्दू भने, बौद्ध दर्शनको वकालत गर्दा बुद्धिष्ट भने, मुस्लिमको कार्यक्रममा जाँदा मुस्लिम भने, क्रिष्टियनको कार्यक्रममा जाँदा क्रिष्टियन भने, फेरिपनि भन्छु अहिले म सबैको अभिभावक हुँ त्यसैले सबै अस्तित्वको सम्मान गर्छु र सबैले गरौं ।

अन्तमा अर्काको अस्तित्वलाई स्वीकार गर्नु भनेको आफ्नो अस्तित्व सम्मानित हुनु हो । बुधबार काठमाडौंमा आयोजित क्रिश्चियन महोत्सवको कार्यक्रममा प्रमुख अतिथि बनेर पुगेका किराँतीले क्रिश्चियन नमान्नेहरूलाई संविधानविरोधी र देशद्रोहीको संज्ञा दिएका थिए ।

‘नेपालको संविधानले सबैलाई आफ्नो धर्म मान्ने स्वतन्त्रता दिएको छ । क्रिश्चियनलाई मान्दिनँ भन्नेहरू संविधानविरोधी हुन् । देशद्रोही हुन् । उनीहरूलाई हतकडी लगाएर जेल हाल्ने हो’ उनले उत्तेजित बन्दै भनेका थिए । ‘नेपालको संविधानले सबैलाई आफ्नो धर्म मान्ने स्वतन्त्रता दिएको छ । क्रिश्चियनलाई मान्दिन भन्नेहरू संविधान विरोधी हुन् । देशद्रोही हुन् ।

मन्त्री किराँतीले संसारमा सबैभन्दा बढी क्रिस्चियन धर्म मान्नेहरू नै रहेको बताउँदै नेपालमा चाहिँ उनीहरूलाई थिचोमिचो गरिएको दाबी गरे । उनले भने, ‘संसारमा ३० प्रतिशत मान्छेले क्रिश्चियन धर्म मान्छन् । संसारले मानेको धर्म हामीले नमान्ने ?’ किराँतीले प्रधानमन्त्री प्रचण्डले समेत जिसस क्राइस्टलाई मान्ने दाबी गरेका छन् ।

मन्त्री किराँतीको अभिब्यक्तिको चौतर्फी आलोचना भईरहेको छ । विभिन्न दलका नेताहरुले उनलाई तत्काल बर्खास्त गर्न माग गरेका छन् । उनको अभिब्यक्तिको विरोधमा आज पशुपति क्षेत्रमा विरोधसभा समेत आयोजना गरिएको छ ।

अभिब्यक्तिलाई नै लिएर प्रतिनिधिसभाअन्तर्गतको अन्तर्राष्ट्रिय सम्बन्ध र पर्यटन समितिको बिहीबारको बैठकमा मन्त्री किरातीलाई सांसद धवलशमशेर राणाले विवादास्पद अभिव्यक्तिको ‘रियाक्सन’ ठूलो हुने चेतावनी दिएका छन् । समिति सदस्य एवं राष्ट्रिय प्रजातन्त्र पार्टी (राप्रपा)का महामन्त्री समेत रहेका राणाले विवादास्पद अभिव्यक्तिका कारण निम्तने स्थितिको जिम्मेवार सरकार हुनुपर्ने चेतावनी दिएका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.