Nepal Times
Nepal Times
1.11k
Shares

म्यानचेस्टर सिटीले जित्यो क्लब वल्र्डकप

म्यानचेस्टर सिटीले जित्यो क्लब वल्र्डकप

७ पुष,एजेन्सी । 
इंग्लिस क्लब म्यानचेस्टर सिटीले फिफा क्लब विश्वकप फुटबलको उपाधि जितेको छ । गएराति साउदी अरेबियाको जेदाहमा भएको फाइनलमा ब्राजिलियन क्लब फ्लुमिनेन्सलाई ४–० गोलले हराउँदै सिटीले पहिलो पटक यो उपाधि जितेको हो । सिटीको जितमा जुलियन अल्भारेजले २ तथा फिल फोडेनले १ गोल गरे ।

उसले थप १ गोल उपहार पाएको थियो । फ्लुमिनेन्सका मोटा फिल्होले २७औं मिनेटमा आत्मघाती गोल गरेका थिए । सिटीले पहिलो पटक क्लब विश्वकपको उपाधि जितेको हो । गत सिजन पहिलो पटक युरोपियन च्याम्पियन्स लिगको उपाधि जितेपछि सिटीले क्लब विश्वकप खेल्ने मौका पाएको थियो ।

सिटी क्लब विश्वकप जित्ने चौथो इंग्लिस क्लब बनेको छ । यसअघि म्यानचेष्टर युनाइटेड, लिभरपुल र चेल्सीले क्लब विश्वकप जितेका थिए । तर सिटी एकै क्यालेन्डर इअरमा पाँच उपाधि जित्ने पहिलो इंग्लिस क्लब बन्यो । गत सिजन प्रिमियर लिग र एफसी कपसहित च्याम्पियन्स लिग जितेर ट्रेबल उपाधि जितेको सिटीले अगष्टमा युइएफए सुपर कप पनि जितेको थियो ।

वर्षको अन्तिममा क्लब विश्वकप पनि जितेपछि सिटीले एउटा च्याप्टर सकाएको म्यानेजर पेप ग्पार्डिओलाले बताए । ‘यो वर्ष अद्भुत रह्यो ।’ उनले भने । ‘हामी हामी च्याप्टर बन्द ग¥यौँ । हामीले सक्नेजति सबै जित्यौँ । अब फेरी त्यस्तै गर्ने प्रयास गर्नेछौँ ।’

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.