Nepal Times
Nepal Times
648
Shares

यमनमा हुथीविरुद्ध अमेरिका र बेलायतको हमला

यमनमा हुथीविरुद्ध अमेरिका र बेलायतको हमला

२७ पुष, एजेन्सी ।
अमेरिका र बेलायती सैनिकले यमनमा हुथी विद्रोहीलाई लक्षित हवाई हमला गरेका छन् । अमेरिकी राष्ट्रपति जो बाइडेनले यसलाई इरान समर्थित हुथी विद्रोहीले रेड सीमा पानीजहाजमाथि गरेको आक्रमणको जवाफी हमला भनेका छन् । प्यालेस्टाइनको लडाकु समूह हमासले गरेको आक्रमणपछि इजरायलले अक्टोबर ७ देखि गाजामा युद्ध थालेको थियो ।

गएको नोभेम्बरदेखि हुथीले लालसागरमा इजरायलतर्फ जाने पानीजहाजमा आक्रमण गर्न सुरु गरेको थियो । हुथी उपविदेशमन्त्री हुसेन अल–इज्जीले अमेरिका र बेलायतले यो आक्रमणको ठूलो मूल्य चुकाउनुपर्ने चेतावनी दिएका छन् । यता बेलायती प्रधानमन्त्री ऋषि सुनकले भने शाही वायुसेनाका लडाकु विमानले हुथीको सैन्य सुविधाविरुद्ध लक्षित हमला गर्न मद्दत गरेको बताएका छन् ।

उनले यो कदम आत्मरक्षाका निम्ति सीमित र आवश्यक भएको बताएका छन् । नेदरल्यान्ड्स, अस्ट्रेलिया, क्यानडा र बहराइनले यो मिसनमा सहयोग गरेको बाइडेनले बताएका छन् । यमनको राजधानी साना, लाल सागरमा रहेको हुथीको बन्दरगाह हुदायदाह, धामार र उत्तर–पश्चिमस्थित हुथीको किल्ला मानिने सादामा आक्रमण गरिएको बताइएको छ ।

अमेरिकी युद्धपोतले तोमाहक क्रुज क्षेप्यास्त्र प्रहार गरेको र आफ्ना विमानले राजधानी सना सहितका १२ स्थानमा आक्रमण गरेको अमेरिकी अधिकारीहरूले बताएका छन् । साइप्रसको हवाई अखडाबाट आएका चार वटा आरएएफ टाइफुन जहाजले हूथीका दुई वटा निसानामा आक्रमण गरेको अमेरिकी अधिकारीहरूको दाबी छ ।

सहज व्यापारको अवस्था सुनिश्चितताका लागि थप कदमहरू चाल्न सकिने चेतावनी अमेरिकी राष्ट्रपति बाइडनले दिएका छन् । हुथीले सञ्चालन गरेको टेलिभिजन च्यानल अल–मजिराले अमेरिकी अगुवाइमा आक्रमण भएका स्थानहरूको विवरण टेलिग्राममा पोस्ट गरेको छ ।

उक्त टेलिभिजनका अनुसार सना सहित देशको अन्तर्राष्ट्रिय विमानस्थल रहेको अल–दुलामी हवाई अखडामा पनि हमला भएको छ । आक्रमणको निसाना बनाइएका अन्य स्थानहरूमा सद्दा सहरको पूर्वमा रहेको एउटा क्याम्प, हुदैदा विमानस्थल,ताइज अन्तर्राष्ट्रिय विमानस्थल सहितका स्थान छन् । यमनको ठूलो हिस्सा हुथीको नियन्त्रणमा छ ।

यता हुथीहरूले भने अहिलेसम्म जवाफी आक्रमण नगरेका खबरमा उल्लेख छ । यमनको राजधानी साना, हुथीको रेड सी बन्दरगाह हुदायदाह, धामार र उत्तर–पश्चिमी हुथी गढ सादामा हड्ताल छ । हुथीहरूले यमनको धेरैजसो भागलाई नियन्त्रणमा लिएका छन् ।

उनीहरूले इजरायल जाने जहाजलाई लक्षित गरेर हमासलाई समर्थन गरेका छन् । पछिल्लो आक्रमणलाई लिएर साउदी अरबले अमेरिकालाई संयमता अपनाउन आग्रह गरेको छ । रियादले चिन्ताकासाथ स्थितिलाई नजिकबाट नियालिरहेको जनाएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.