Nepal Times
Nepal Times
171
Shares

तालिबनको काबुलमा पानीको हाहाकार

तालिबनको काबुलमा पानीको हाहाकार

७ माघ,एजेन्सी ।

तालिवानी शासन सत्ता रहेको दक्षिण एसियाली मुलुक अफगानिस्तानको राजधानी काबुलमा पानीको हाहाकार भएको छ । चर्को खडेरीका कारण बासिन्दाहरु पानी लिन घण्टौं लाइनमा बस्नुपरेको छ । काबुलको पश्चिमी क्षेत्रमा रहेको स्थानीय मस्जिदको इनार अगाडि घण्टौं कुर्नुपरेपछि स्थानीयले आक्रोश व्यक्त गरेका छन् ।

स्थानीय रजब रेजाईले आफ्नो परिवारमा १० जना रहेको र आफू बिहानदेखि लाइन बस्दा मध्यरातसम्म बस्नुपरेको बताएका छन् । तरकारी पसल चलाएर परिवार पाल्न थालेका १० सदस्यीय परिवारका प्रमुखले आफ्ना छोराछोरीलाई विद्यालय पठाउन नपाएको गुनासो गर्दै निरन्तर खडेरीले आफ्नो पीडा थपेको चिनियाँ समाचार संस्था सिन्ह्वासँगको कुराकानीमा बताएका छन् ।

चारवटा मस्जिदका इनारबाट दैनिक उपभोगका लागि ३ हजार ५०० भन्दा बढी परिवारले पानी लिन्छन् । रेजाईकाअनुसार रेज रासन क्षेत्रको एउटा मात्र इनारबाट ८०० परिवारले पानी लिन्छन् । युद्धग्रस्त अफगानिस्तान वर्षौंदेखि खडेरीको चपेटामा परेको छ ।

काबुल, अफगानहरूकाअनुसार, दुर्लभ वर्षा वा हिमपातको साथ चलिरहेको कठोर जाडोमा गम्भीर खडेरीको सामना गर्नुपरेको छ । काबुलका बासिन्दाहरूकाअनुसार राज्यद्वारा सञ्चालित विभिन्न खानेपानी सञ्जालहरूले बासिन्दाहरूको घरमा नियमित रूपमा पानी आपूर्ति गर्न सकेनन् ।

ऊर्जा र पानी मन्त्रालयका प्रवक्ता कारी मतिउल्लाह अबिदलस्याटेलाइट तस्बिरहरूले २०२३ मा ३३ प्रतिशत पानीको मन्दी भएको बताएका छन् । जसले गर्दा सो क्षेत्रमा खडेरी बढेको छ । प्रभावित जनसङ्ख्याको खुलासा नगरी उक्त अधिकारीले चुनौतीलाई पार गर्न प्रशासनले काम गरिरहेको बताएका छन् ।

उनले खडेरी जारी रहे आन्तरिक बसाईंसराईको सामना गर्नुपर्ने हुनसक्ने चेतावनी दिएका छन् । अफगान अधिकारीहरूले दिएको जानकारीअनुसार अफगानिस्तानका ३४ ओटा प्रान्तमध्ये हाल आधा भन्दा बढी प्रान्त खडेरीको चपेटामा परेका छन्।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.