Nepal Times
Nepal Times
216
Shares

चुनावको मुखैमा ट्रम्पलाई ८३.३ मिलियन डलर जरिवाना

चुनावको मुखैमा ट्रम्पलाई ८३.३ मिलियन डलर जरिवाना

१३ माघ,एजेन्सी ।

अमेरिकाका पूर्वराष्ट्रपति डोनल्ड ट्रम्पले ८३.३ मिलियन डलर क्षतिपूर्ति दिनुपर्ने भएको छ । लेखिका ई जिन केरलको मानहानि मुद्दामा ट्रम्पलाई सो क्षतिपूर्ति तिर्न आदेश दिएको हो । शुक्रबार, म्यानहट्टन संघीय अदालतले ट्रम्पविरुद्ध यौन उत्पीडन र मानहानिको मुद्दामा फैसला सुनाएको हो ।

केरलको प्रतिष्ठामा आँच पु¥याएको तथा उनलाई भावनात्मक चोट पु¥याएकोमा ट्रम्पलाई सजाय सुनाइएको हो । पूर्वराष्ट्रपति ट्रम्प २०२४ मा राष्ट्रपति पदका उम्मेदवारी अन्तिम अवस्थातर्फ पुग्दा उनलाई यो सजाय सुनाइएको हो । यो मुद्दा केरलबारे सन् २०१९ मा ट्रम्पले गरेको टिप्पणीसँग जोडिएको थियो ।

सामाजिक सञ्जालमा उनले लगातार केरललाई निशाना बनाएका थिए । क्यारोलले मानहानिको लागि १० मिलियन डलरको को माग गरेकी थिइन्, तर त्योभन्दा धेरै अदालतले ८३.३ मिलियन डलर क्षतिपूर्तिको आदेश दिएको हो । ट्रम्पले निर्णयपछि आफ्नो वक्तव्यमार्फत उक्त निर्णयलाई हास्यास्पद भन्दै त्यसविरुद्ध अपिल गर्ने बताएका छन् ।

समाचारअनुसार ज्युरीले करिब तीन घण्टाको छलफल र बहसपछि यो निर्णय गरेको थियो । बहस सुरु हुँदा ट्रम्प अदालतमा उपस्थित थिए तर बीचमै बाहिर निस्केका थिए । अदालतमा फैसला पढ्दा ट्रम्प त्यहाँ थिएनन् । अदालतको आदेशमा ६५ मिलियन क्षतिपूर्ति र ७.३ मिलियन प्रतिष्ठित मर्मतको लागि समावेश छ ।

ट्रम्पले आफ्नो बयान मार्फत क्यारोललाई हानि पु¥याउन कसैलाई निर्देशन दिएको कुरा अस्वीकार गरेका छन् । वकिल रोबर्टा कपलानले म्यानहट्टन संघीय अदालतमा आफ्नो समापन तर्क सुरु गरेको केही मिनेटपछि ट्रम्प अचानक आफ्नो सुरक्षा पक्षको सिटबाट उठे र बाहिर निस्किए ।

समापन तर्कको क्रममा जब लेखक ई जीन क्यारोलका वकिलले क्षतिपूर्ति दिन आग्रह गरे, डोनाल्ड ट्रम्प अदालतबाट बाहिरिएको अन्तराष्ट्रिय सञ्चारमाध्यमले जनाएका छन् । फैसलापछि केरलले भने ‘महिलालाई निचो देखाउने हरेक व्यक्तिका लागि यो ठूलो हार हो ।’ भनेकी छिन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.