Nepal Times
Nepal Times
3
Shares

डिजिटल युगमा व्यक्तिगत स्वतन्त्रता तथा गोपनियता शीर्षकमा बहृत छलफल

डिजिटल युगमा व्यक्तिगत स्वतन्त्रता तथा गोपनियता शीर्षकमा बहृत छलफल

२१ माघ, विराटनगर । विराटनगरमा डिजिटल युगमा व्यक्तिगत स्वतन्त्रता तथा गोपनियता शीर्षकमा बहृत छलफल सम्पन्न भएको छ । स्थानीय महेन्द्र मोरङ आदर्श बहुमुखी क्याम्पस, बिराटनगरको प्राङ्गणमा सञ्चालित कोशी मिनी यन्त्र २.० इभेन्टको अवसरमा ४ प्यानलिस्ट सहितको वृहत् छलफल सम्पन्न भएको हो ।

डिजिटल युगमा व्यक्तिगत स्वतन्त्रता तथा गोपनियता शीर्षकमा स्वतन्त्रताका लागि विद्यार्थीहरुका स्थानीय संयोजक सरोज बानियाको नेतृत्वमा सम्पन्न छलफलका ४ प्यानलिस्टमा रोबोटिक्स एसोसिएशन अफ नेपालका अध्यक्ष इन्जिनियर बिनिलराज अधिकारी, महेन्द्र मोरङ आदर्श बहुमुखी क्याम्पसका बिआइटी निर्देशक तथा डिपार्टमेन्ट अफ फिजिक्सका तर्फबाट प्रा.डा. सशितकुमार यादव, स्वीस कन्ट्याकका कन्सलटेन्ट तथा स्टुडेन्ट फर लिबर्टीका पूर्व स्थानीय संयोजक स्वराज्ञराज पाण्डे र इन्टरनेट सेवा प्रदायक वल्र्डलिंक कम्युनिकेशनका क्षेत्रीय ब्रान्च म्यानेजर सुरज दाहाल रहेका थिए ।

प्यानल डिस्कसनमा सहभागी बीच वर्तमान युगमा डेटाको गोपनियता र स्वामित्व, डेटा गोपनियता संरक्षणका तरिका र सरोकारवाला तथा गोपनियता संरक्षणको आधारभूत हकाधिकार बारे छलफल गरिएको थियो ।

५ हजार भन्दा बढी व्यक्तिहरुको प्रत्यक्ष सहभागिता रहेको उक्त कोशी मिनी यन्त्र २.० इभेन्टमा यस प्यानल डिस्कसनका लागि ६ सय भन्दा बढी विद्यार्थी, शिक्षाविद् , विशेषज्ञ तथा बुद्धिजीवीहरुको सक्रिय सहभागिता रहेको स्टुडेन्ट फर लिबर्टीका पूर्व स्थानीय संयोजक स्वराज्ञराज पाण्डेले जानकारी दिए ।

छलफलबाट आजको समयमा आफ्नो व्यक्तिगत विवरण तथा गोपनियता संरक्षण गर्न तथा समाज र सरकारलाई आफ्नो दायित्वबोध गराउन हरेक व्यक्ति उत्तिकै जिम्मेवार हुने मुख्य निष्कर्ष निकालिएको उनले जानकारी दिए ।

कसरी आजको युगमा डेटा चोरी र गोपनियता हनन् जस्ता समस्याले वृहत्तर रुप लिई कुन कुन तहका मानिसहरुलाई कुन कुन तरिकाले असर पार्दैछ भन्ने जानकारीमा बहुआयामिक प्यानलिस्टबीच छलफल भएको उनले बताए ।

सो क्रममा इ. बिनिलराज अधिकारीले आजको समयमा डेटा नै मान्छेको सर्वोपरि सम्पत्ति रहेको र विशेषतः एआईको बढ्दो प्रयोगसित डेटा सुरक्षाको महत्त्व बढिरहेको बताए ।

त्यसैगरी आजको हरेक व्यक्ति आइटी र प्रविधिबारे अवगत रहनुपर्ने समयको माग रहेको र आफ्नो जानकारी संरक्षणका लागि आफैँले पहल गर्नुपर्ने सशित कुमार यादवले बताएका थिए । यस प्रायोजनका लागि कसरी विद्यार्थीहरुले अग्रणी भूमिका खेल्नुपर्छ भन्ने कुरामा पाण्डेले प्रकाश पारेका थिए ।  यस्तै उनले स्टुडेन्ट फर लिबर्टीका स्थानीय संयोजक र स्वयमसेवकहरुलाई अभिमुखीकरण गरेका थिए ।

छलफल कार्यक्रमा वल्र्डलिंक कम्युनिकेशनका क्षेत्रीय ब्रान्च म्यानेजर सुरज दाहालले इन्टरनेट सेवा प्रयोग तथा डेटा सुरक्षामा कसरी आइएसपीहरुले भूमिका खेल्छन् र कसरी हरेक प्रयोगकर्ता यसबारे अवगत रहनुपर्छ भन्ने विषयमा जानकारी दिएका थिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.