२७ चैत , एजेन्सी ।
विश्व चर्चित फुटबलर तथा साउदी क्लव अल नासारका कप्तान क्रिस्टियानो रोनाल्डोलाई रातो कार्ड दिइएको खेलमा अल–नासारलाई पराजित गर्दै अल–हिलाल साउदी सुपर कपको फाइनलमा प्रवेश गरेको छ। मोहम्मद बिन जायद स्टेडियममा सोमबार राति सम्पन्न सेमिफाइनलमा १० खेलाडीमा सिमित नासारलाई २–१ गोल अन्तरले पराजित गर्दै हिलाल उपाधिनजिक पुगेको हो।
हिलालको जितमा अल–डावसरी र माल्कमले गोल गरे। नासरको लागि साडियो मानेले १ गोल फर्काए। खेलको ६१औँ मिनेटमा डावसरीले घरेलु टोलीलाई अग्रता दिलाएका थिए। ७२औँ मिनेटमा माल्कमले अग्रता दोब्बर बनाए। ८६औँ मिनेटमा नासारका कप्तान क्रिस्टियानो रोनाल्डो रातो कार्ड पाउँदै मैदानबाट बाहिरिए।
हिलालका खेलाडीलाई मुखमा कुहिनाले प्रहार गरेपछि उनलाई रेफ्रीले सिधै रातो कार्ड देखाएका थिए। दोस्रो हाफको इन्ज्युरी समयको नवौँ मिनेटमा मानेले गोल गरेका थिए। तर, उनको गोलले नासारलाई फाइनल पु¥याउन सकेन। अल–नासरको हारको क्रममा रातो कार्ड देखाइएपछि रोनाल्डोले रेफ्रीलाई आफ्नो मुट्ठी उचालेको देखियो।
रोनाल्डोले अल–हिलालको अल–बुलाहीलाई कुहिनोले प्रहार गरेपछि सिधा रातो कार्ड देखाइएको थियो, जसले गर्दा उनी खेलको अन्तिम चरणमा मैदानबाट बाहिरिएका थिए । टक्करको कारण अराजकता भयो र रेफ्री मोहम्मद अल होइशले रोनाल्डोलाई रातो कार्ड देखाए, त्यसपछि रोनाल्डोले आफ्नो मुट्ठी उठाएका छन् ।
सामाजिक संजालमा तीव्र भाइरल भइरहेको यो भिडिओमा रोनाल्डोले रेफ्रीलाई मुक्का हानेजस्तो गरेको देखिन्छ । त्यसलगत्तै भने रोनाल्डोले मैदान छाडेर रेफ्रीको निर्णयमा ताली बजाएका थिए । विश्वभरका करोडौ फ्यानका एक आइडल बनेका रोनाल्डोको मैदानमा देखिएको यो हर्कतको भने तीव्र आलोचना समेत भइरहेको छ ।
धेरै प्रशंसकहरुले उनमा दम्भ बढेको टिपपणी गरेका छन् । खासगरी अर्का विश्व चर्चित फुटबलर लियोनल मेसीका समर्थकहरुले रोनाल्डोको तीव्र आलोचना गरिरहेका छन् ।
