Nepal Times
Nepal Times
3
Shares

युरोकपः सेमिफाइनलमा स्पेन र फ्रान्स भिड्ने

युरोकपः सेमिफाइनलमा स्पेन र फ्रान्स भिड्ने

२२ असार, एजेन्सी ।

फ्रान्स र स्पेन युरोकप फुटबलको सेमिफाइनलमा पुगेका छन् । जर्मनीको ह्यामबर्गमा गएराती भएको क्वाटरफाइनलमा फ्रान्सले पोर्चुगललाई पेनाल्टी सुटआउटमा हरायो । निर्धारित ९० मिनेट र अतिरिक्त ३० मिनेटको खेल गोलरहित बराबरी भएपछि खेल पेनाल्टी सुटआउटमा पुगेको थियो ।

पोर्चुगलका जोआओ फेलिक्सको पेनाल्टी पोस्टमा लागेर फर्कंदा गोल हुन सकेन । फ्रान्स ५–३ ले विजयी भयो । अब फाइनलमा पुग्न फ्रान्सले स्पेनसँग खेल्नेछ । हिजो भएको पहिलो क्वाटरफाइनलमा घरेलु टोली जर्मनीलाई २–१ गोलले हराउँदै स्पेन सेमिफाइनलमा पुगेको हो । निर्धारित ९० मिनेटको खेल १–१ को बराबरी भएपछि खेल अतिरिक्त समयमा पुगेको थियो ।

अतिरिक्त समयको अन्तिमतिर स्पेनले विजयी गोल ग¥यो । स्पेनमा मिकेल मेरिनो र ड्यानी ओल्मोले गोल गरे । जर्मनीका फ्लोरियन विट्र्जले एक गोल गरे । युरोकप क्वाटरफाइनलमा आज इङ्ग्ल्यान्ड र स्विटजरल्यान्ड तथा नेदरल्यान्ड्स र टर्की खेल्दैछन् । उता भेनेजुएलालाई सडन डेथमा पराजित गर्दै क्यानडाले कोपा अमेरिका २०२४ को सेमिफाइनलमा स्थान पक्का गरेको छ ।

निर्धारित ९० मिनेट १–१ को बराबरीमा सकिएपछि भएको टाइब्रेकरमा ३–३ मा सकिएपछि क्यानडाले सडन डेथमा जित हासिल गरेको हो । अब क्यानडाले सेमिफाइनलमा अर्जेन्टिनाको सामना गर्नेछ । अमेरिकाको डालासस्थित एटि एन्ड टि रंगशालामा क्यानडाले १३ औं मिनेटमा जेकब साफलबर्गले गोल गरे । जोनाथन डेविडको कटब्याकमा उनले गोल गरेका थिए ।

दोस्रो हाफमा सलोमन रन्डनले लामो दुरीबाट गोल गर्दै खेल बराबरीमा ल्याए । टाइब्रेकरमा क्यानडा र भेनेजुएला दुवैले दोस्रो र चौथो प्रहारमा गोल गर्न सकेनन् । तर सडन डेथमा विलकर एन्जलको पेनाल्टी असफल भएपछि इस्माएल कोनेले गोल गर्दै जित पक्का गरे । आज हुने क्वाटरफाइनलमा उरुग्वे र ब्राजिल तथा कोल्मोबिया र पानामा खेल्नेछन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.