१० साउन, एजेन्सी ।
एसिसी महिला एसिया कपको सेमिफाइनलमा पुग्ने चारवटै टोलीको टुंगो लागेको छ । बुधबार समूह ‘बी’ को अन्तिम खेलमा श्रीलंकाले थाइल्यान्डलाई १० विकेटले पराजित गरेसँगै अन्तिम चारमा पुग्ने टोलीको टुंगो लागेको हो ।
समूह ‘ए’ बाट साबिक विजेता भारत र पाकिस्तान अन्तिम चारमा पुगेका छन् । शीर्ष स्थानमा रहेर अन्तिम चारमा पुगेको भारतले पाकिस्तानलाई सात विकेट, युएईलाई ७८ र नेपाललाई ८२ रनले पराजित गरेको थियो ।
पाकिस्तानले भने नेपाललाई नौ र युएईलाई १० विकेटले पराजित गर्दै अन्तिम चारमा स्थान सुरक्षित ग¥यो । अर्को समूहबाट श्रीलंकाले शतप्रतिशत जितसहित शीर्ष स्थानमा रहँदै अन्तिम चारको यात्रा तय ग¥यो ।
श्रीलंकाले बंगलादेशलाई सात र थाइल्यान्डलाई १० विकेटले पराजित ग¥यो । यस्तै, मलेसियालाई १४४ रनले पाखा लगायो। बंगलादेश समूह उपविजेता बन्यो । बंगलादेशले थाइल्यान्डलाई सात विकेट र मलेसियालाई ११४ रनले पराजित गर्दै अन्तिम चारमा स्थान पक्का ग¥यो ।
अब फाइनल प्रवेशका लागि बंगलादेशले समूह ‘ए’ को विजेता भारत र श्रीलंकाले सोही समूहको उपविजेता पाकिस्तानसँग खेल्नेछ । सेमिफाइनलका खेल शुक्रबार हुनेछ । पहिलो सेमिफाइनलमा भारत र बंगलादेश भिड्नेछन् ।
यो खेल नेपाली समयअनसार दिउँसो २ः३० बजे सुरु हुनेछ । श्रीलंका र पाकिस्तानबीच हुने दोस्रो सेमिफाइनल खेल ७ः३० बजे सुरु हुनेछ। फाइनल खेल आइतबार दिउँसो ३ः३० बजे सुरु हुनेछ ।
नेपाल भने समूह चरणबाटै बाहिरिसकेको छ । युएईलाई पराजित गरेपनि भारत र पाकिस्तानसँग पराजित भएको थियो ।
