२६ साउन, एजेन्सी ।
पेरिस ओलम्पिक २०२४ को पुरुष फुटबलमा स्पेनले स्वर्णपदक हासिल गरेको छ । गएराति भएको फाइनलमा ओलम्पिक आयोजकसमेत रहेको फ्रान्सलाई ५–३ गोलअन्तरले पराजित गर्दै स्पेनले स्वर्ण आफ्नो बनाएको हो । १९९२ पछि स्वर्ण जित्ने क्रममा स्पेनले अतिरिक्त समय कुर्नु परेको थियो ।
खेलको निर्धारित समयमा बराबरी भएपछि अतिरिक्त समयमा स्पेनका लागि सर्जियो कमेलोले दुई गोल गरे र यो नै निर्णायक सावित भयो । खेलमा अग्रता भने फ्रान्सले लिएको थियो । उसका एन्जो मिलोटले ११ औँ मिनेटमा गोल गरे । त्यसको ७ मिनेटपछि लोपेजको गोलमा स्पेनले बराबरी ग¥यो ।
२५ औँ मिनेटमा लोपेजको गोलमा नै स्पेनले अग्रता बनायो । लगत्तै अलेहान्द्रो माइनाले गोल गरेपछि दुई गोलको अग्रता हुँदा ७९ औँ मिनेटमा फ्रान्सका अक्लिओचेले गोल गरे । इन्जुरी समयमा पेनाल्टीमा घरेलु टोलीका लागि माटेटाले गोल गरेपछि खेल बराबरी भएको थियो ।निर्धारित समय तीन÷तीन गोलको बराबरी भएपछि खेल अतिरिक्त समयमा गएको थियो ।
अतिरिक्त समयमा दुई गोल गरेको स्पेनले स्वर्ण जित्यो । यसअघि स्पेनले इंग्ल्यान्डलाई हराएर युरो–२०२४ को उपाधि पनि जितेको थियो । पछिल्लो समय स्पेनले फुटबलमा आफूलाई विश्वकै उत्कृष्ट टिम भएको नतिजाद्वारा सन्देश दिइरहेको छ । पछिल्लो समय इंग्ल्यान्डलाई हराएर स्पेनले युरो २०२४ पनि जितेको थियो ।
यस्तै मेन्स यू–१९ को उपाधि विजेता स्पेन वुमेन्स विश्वकपको पनि च्याम्पियन हो । महिला बक्सिङमा भने विवादबाट घेरिएकी इमाने खलिफले स्वर्ण जितेकी छिन् । अल्जेरियाकी खलिफले वेल्टरवेट समूहमा चीनकी याङ लिउलाई सजिलै हराइन् । लैंगिक योग्यताका लागि उनी विवादमा परेकी थिइन् । प्रतियोगिताको १३ औं दिनको समाप्तिमा अमेरिका र चीनको समान ३३ स्वर्ण रहेको छ । अमेरिका ३९ रजत र ३९ नै कांस्य सहित शीर्ष स्थानमा छ । चीनको २७ रजत र २३ कांस्य रहेको छ ।
