३२ साउन, विराटनगर ।
थाइल्यान्डको संसद्ले ३७ वर्षीया पेतोङटार्न सिनावात्रालाई नयाँ प्रधानमन्त्रीका रूपमा चुनेको छ ।
अपराधमा मुछिएका व्यक्तिलाई मन्त्री बनाएको भन्दै थाइल्यान्डको सर्वोच्च अदालतले तत्कालीन प्रधानमन्त्री स्रेता थाभिसिनलाई पदमुक्त गरेपछि रिक्त रहेको उनको स्थानमा पेतोङटार्न चुनिएकी हुन् ।
अदालतले थाभिसिनलाई बर्खास्त गरेको दुई दिनपछि नै पेतोङत्रान सिनावात्रा प्रधानमन्त्रीमा निर्वाचित भएकी हुन् ।
यससँगै उनी थाइल्यान्डको इतिहासमा सबैभन्दा कान्छी प्रधानमन्त्रीसमेत बनेकी छन् । उनी थाइल्यान्डका अरबपति उद्योगी तथा पूर्वनेता थाक्सिन सिनावात्राकी छोरी हुन् ।थाइल्यान्डको प्रधानमन्त्री सम्हाल्ने उनी देशको दोस्रो महिला पनि हुन् । आन्टी यिङलक थाइल्यान्डको प्रधानमन्त्री बन्ने देशको पहिलो महिला थिइन् ।
पेतोङटार्नलेलाई संसदले फेउ थाई पार्टीको सत्तारूढ गठबन्धनले गरेको मनोनयनपछि यो पद प्राप्त भएको हो ।
बिहीबार राति भएको एक बैठकमा सत्तारूढ गठबन्धनले पेटोङटार्नलाई आफ्नो विकल्पको रूपमा चयन गरेको थियो ।
गठबन्धनका अरू १० दलहरूले कुनै वैकल्पिक उम्मेदवार प्रस्तुत नसकेफछि पेतोङटार्नलाई यो अवसर जुरेको हो ।
पेटोङटार्नले राजनीतिमा प्रवेश गर्नुअघि परिवारको व्यवसाय साम्राज्यको होटल शाखा सञ्चालन गर्न मद्दत गरेकी थिइन् । उनी कहिल्यै निर्वाचित पदमा रहेकी थिइनन् ।
