१ भदौ, विराटनगर । ब्रिज इन्टरनेसनल कन्सलटेन्सीको छैटौं शाखा कार्यालय विराटनगरमा सञ्चालनमा आएको छ । विराटनगर महानगरपालिका-१० कलेज रोडमा शनिबार एक कार्यक्रम आयोजना गरी उक्त शाखाको उद्घाटन भएको छ ।
ब्रिज इन्टरनेसनलको उद्घाटन नेपाल शैक्षिक परामर्श संघ (ईकान) का अध्यक्ष शेषराज भट्टराईले गरे । यही महिनाभित्रमा ब्रिज इन्टरनेसनल कन्सलटेन्सीको शाखा नेपालगञ्ज, धुलाबारी र काठमाडौंमा खुल्ने छ ।
ब्रिज इन्टरनेसनल कन्सलटेन्सीले विगत नौ वर्षदेखि विदेश जाने विद्यार्थीहरूलाई शैक्षिक परार्मश दिँदै आएको कार्यकारी अध्यक्ष भुवन गिरीले जानकारी दिए । अहिले सातवटा देशमा विद्यार्थी अध्ययनको लागि पठाउँदै आएको उनले बताए ।
हाल अस्ट्रेलिया, न्युजिल्यान्ड, युके, डेनमार्क, अमेरिका, क्यानडालगायतको देशमा विद्यार्थी जाने गरेका छन् ।
ब्रिज इन्टरनेशनल कन्सलटेन्सीबाट जाने विद्यार्थीको रोजगारीको सुनिश्चितता गर्दै आएको छ । अहिलेसम्म ब्रिज इन्टरनेसनल कन्सलटेन्सीबाट १० हजार बढी विद्यार्थी विदेश अध्ययनको लागि पठाएको उनले बताए । त्यसमध्ये सबैभन्दा बढी अस्ट्रेलिया, युके, क्यानडा जाने गरेका छन् ।
‘यो वर्षमा मात्र ब्रिज इन्टरनेसनल कन्सलटेन्सीको देशभरिमा पाँच शाखा कार्यालयहरू खुलेको छ । विद्यार्थीलाई हामीले भिसा सर्भिसका अतिरिक्त पनि विभिन्न सुविधा दिने गरेका छौं । उनीहरूलाई पिकअपदेखि सम्पूर्ण सुविधा दिने गरेका छौं । ट्राभल्स कार्ड, बैंकिङ अकाउन्ट खोलिदिनेदेखि रोजगारीका लागि सहयोग पनि गर्ने गरेका छौं,’ उनले भने ।
कार्यक्रममा बोल्दै नेपाल शैक्षिक परामर्श संघ ईकानका अध्यक्ष शेषराज भट्टराईले विद्यार्थीलाई राम्रो शैक्षिक परार्मश दिनको लागि ब्रिज इन्टरनेसनल कन्सलटेन्सीको भूमिका ठुलो रहेको बताए । सही तरिकाले परामर्श लिएरमात्र विद्यार्थीलाई विदेशका लागि प्रक्रिया थाल्नुपर्ने उनको भनाइ छ ।
कार्यक्रममा हिसानका केन्द्रीय उपाध्यक्ष भेषराज पोखरेल, मेरील्याण्ड कलेजका प्रिन्पिसल लक्ष्मण ढकाल, शिक्षादीपक कलेजका व्यवस्थापन संकायका प्रमुख शैलेन्द्र सिवाकोटीलगायतको उपस्थिति रहेको थियो ।
सोही अवसरमा चर्चित गायक हिमाल सागरले आफ्नो चर्चित गीतहरू प्रस्तुत गरी सहभागी भएका विद्यार्थीहरूलाई मनोरञ्जन प्रदान गरे ।
