२ भदौ ,एजेन्सी ।
इजिप्टका राष्ट्रपति अब्देल–फत्ताह अल–सिसी र भ्रमणमा रहेका फ्रान्सेली विदेशमन्त्री स्टेफन सेजोर्नले शनिवार कायरोमा गाजा युद्धविराम सम्झौतामा पुग्न जारी वार्ताको अवसरलाई सदुपयोग गर्ने महत्वलाई जोड दिएका छन् । सम्झौतामा पुग्दा रक्तपात र क्षेत्रीय वृद्धिलाई रोक्न सकिने उनीहरुले बताए । सिसीले सेजोर्नसँगको भेटमा गाजामा जारी द्वन्दले यस क्षेत्रलाई अस्थिरताको दुष्ट र खतरनाक चक्रमा पु¥याउन सक्ने चेतावनी दिए।
अब्देलाट्टीले फ्रान्सलाई क्षेत्रीय द्वन्द्व कम गर्न प्रभावकारी र सक्रिय भुमिका खेल्न पनि आग्रह गरेका छन् । सेजोर्नले गाजामा युद्ध रोक्न र मानवीय सहायता प्रदान गर्न इजिप्टको कुटनीतिक प्रयासको प्रशंसा गरेका छन् । फ्रान्सेली राष्ट्रपतिले आफूलाई यस क्षेत्रको भ्रमण गर्न र क्षेत्रीय तनाव कम गर्न र शान्तिका लागि जोड दिन योगदान गर्ने जिम्मेवारी दिएको उनले बताएका छन् ।
उनले सहयोग जारी रहनु राम्रो रहेको बताएका छन् । गाजा द्वन्द्वलाई लिएर हमास र इजरायलबीच भएको सम्झौतामा तीन देशले मध्यस्थता गर्दै आएका छन् । हालैका महिनाहरूमा युद्धविराम वार्ताका धेरै चरणहरू भएपनि कुनै परिणाम ल्याएका छैनन् ।
यसैबिच गाजाको नागरिक सुरक्षा विभागले इजरायली हवाई आक्रमणमा नौ बालबालिका र तीन महिलासहित प्यालेस्टिनी परिवारका १५ सदस्यको मृत्यु भएको बताएको छ। मध्य गाजाको अल–जावैदामा रहेको अज्लाह परिवारको घरमा आक्रमण भएको नागरिक सुरक्षा प्रवक्ता महमुद बस्सलले शनिबार बिहान बताए। इजरायली सेनाले यस घटनाबारे कुनै टिप्पणी गरेको छैन ।
‘अल–जावैदाको अज्लाह परिवारको घर र गोदाममा भएको इजरायली आक्रमणबाट १५ जनाको मृत्यु भएको छ’, बस्सलले भनेका छन् । उद्धारकर्ताहरूले आक्रमणबाट क्षतिग्रस्त घरको भग्नावशेषबाट शव निकाल्दा अहमद अबु अल–घौलले भने,‘तीनवटा रकेट सिधै घरमा खसेको थियो। भित्र बालबालिका र महिलाहरू थिए। उनीहरुको के दोष थियो?’ इजरायल र हमासबीच १० महिनाभन्दा बढी सयमदेखि चलिरहेको युद्धले गाजाको विशाल भूभागलाई भग्नावशेष बनाएको छ।
