४ भदौ , एजेन्सी ।
भारतीय क्रिकेट टिमका नयाँ मुख्य प्रशिक्षक गौतम गंभीरले अल टाइम वर्ल्ड इलेभेन टिम चुनेका छन् । जसमा उनले अस्ट्रेलिया र पाकिस्तानका तीन–तीन खेलाडीहरुलाई स्थान दिएका छन् । साउथ अफ्रीकाका दुई भेट्रानलाई छानेका छन् । यस्तै श्रीलंका र इंग्ल्याण्डका पनि एक एक खेलाडीहरुलाई टिममा राखेका छन् । तर भारतका कुनै पनि खेलाडी यो टोलीमा परेका छैनन् ।
खासमा गौतमले टोलीमा ती खेलाडीहरुलाई समावेश गरेका छन्, जसविरुद्ध उनले खेलेका थिए । यसकारण पनि उनको यो टोलीमा कुनै पनि भारतीय खेलाडीको नाम छैन । श्रीलंका भ्रमणबाट भारतीय टीमको कोचको जिम्मेवारी लिएका गौतम गंभीर अब घरेलु मैदानमा बांग्लादेशविरुद्ध टेस्ट सीरीजमा एक्शन देखिनेछन् । भारतले दुईवटा म्याचको टेस्ट सीरीजमा १९ सेप्टेम्बरमा बांग्लादेशविरुद्ध खेल्ने छ ।
त्यसपछि ३ टी २० सीरीजमा दुवै टिम आमनेसामने हुनेछन् । भारतीय टीमका खेलाडीहरुले श्रीलंका भ्रमणपछि ब्रेक पाएका थिए । जसमा सिनियरले आराम गरिरहँदा बाँकी खेलाडीहरु घरेलू क्रिकेट खेलिरहेका छन् । स्पोर्ट्सकीडाका अनुसार अल टाइम वर्ल्ड इलेभेनमा गंभीरले पाकिस्तानका पूर्व कप्तान इंजमाम उल हक, तिव्र गतिका बलर शोएब अख्तर र अलराउंडर अब्दुल रज्जाकलाई छानेका छन् ।
यस्तै अस्ट्रेलियाका विकेटकीपर एडम गिलक्रिस्ट, ओपनर म्याथ्यू हेडन र अलराउंडर एंड्यू सायमंड्सलाई स्थान दिएका छन् । साउथ अफ्रिकाका पूर्व विस्फोटक ब्याट्सम्यान एबी डिभिलियर्स र तिब्र गतिका बलर मोर्ने मर्केललाई पनि टोलीमा अटाएका छन् । वेस्टइंडीजका महान ब्याटर ब्रायन लारा, श्रीलंकाका भेट्रान स्पिनर मुथैया मुरलीधरन, इंग्ल्या्ण्डका अलराउंडर एंड्यू फ्लिंटफलाइ पनि गौतम गंभीरले अल टाइम वर्ल्ड प्लेइंग इलेभेनमा चुनेका छन् ।
यसैबीच भारतीय टोली आईसीसी च्याम्पियन्स ट्रफी २०२५ खेल्न पाकिस्तान नजाने भएको छ । अन्तर्राष्ट्रिय क्रिकेट काउन्सिल (आइसीसी) लाई भारतीय क्रिकेट कन्ट्रोल बोर्ड (बीसीसीआई)ले श्रीलंका या दुबईमा खेलहरू आयोजना गर्न आग्रह गर्ने बताइएको छ । आईसीसी च्याम्पियन्स ट्रफी अर्को वर्षको फेब्रुअरीदेखि मार्च २०२५ सम्म पाकिस्तानमा आयोजना हुनेछ ।
दुई देशबीचको तनावपूर्ण सम्बन्धका कारण सन् २००८ को एसिया कपपछि भारतले पाकिस्तानमा कुनै पनि क्रिकेट प्रतियोगिता खेलेको छैन । डिसेम्बर २०१२ देखि जनवरी २०१३ सम्म भारतमा भएको द्विपक्षीय शृंखलाले दुई देशबीचको अन्तिम द्विपक्षीय शृंखलालाई चिन्ह लगाइयो । त्यसयता यी दुई राष्ट्र आईसीसी प्रतियोगिता र एसिया कपमा मात्र भिड्दै आएका छन् ।
दुई देशबीचको सम्बन्धका कारण आगामी प्रतियोगितामा भारतको सहभागितामा अनिश्चितता छाएको छ । पाकिस्तान क्रिकेट बोर्डले भारतलाई आफ्ना सबै खेल एउटै सहरमा खेल्न प्रस्ताव गरेको थियो । ईएसपीएनक्रिकइन्फोको रिपोर्टका अनुसार लाहोरलाई भारतले आफ्ना सबै खेल खेल्नुपर्ने स्थानको रूपमा छनोट गरिएको थियो ।
तर, भारतीय बोर्डले पाकिस्तान भ्रमणको सम्भावनाप्रति चासो दिएको छैन । बीसीसीआईका प्रवक्ताले भने, ’भारतले च्याम्पियन्स ट्रफी २०२५ को लागि पाकिस्तान भ्रमण गर्दैन । आईसीसीलाई दुबई वा श्रीलंकामा खेल गराउन आग्रह गर्नेछ ।’
