७ भदौ, काठमाडौं ।
तनहुँको आँबुखैरेनी गाउँपालिकास्थित ऐना पहराबाट मर्स्याङ्दी नदीमा यात्रुवाहक बस खस्दा १२ जनाको मृत्यु भएको प्रहरीले जनाएको छ ।
शुक्रबार बिहान साढे ११ बजे आबुखैरेनी गाउँपालिका-२ ऐनापहरास्थित सडकबाट बस मर्स्याङ्दी नदीमा खसेको थियो । युपी ५३ एफटी ७६२३ नम्बरको भारतीय पर्यटक बोकेको बस पोखराबाट काठमाडौं आउँदै गरेको खुलेको थियो ।
प्रहरीका अनुसार बसमा सवार ४३ जनामध्ये १२ जना अझै बेपत्ता छन् । १४ जनाको शव फेल परेको छ । १७ जनाको जीवितै उद्धार गरेर स्थानीय अस्पताल पठाइएको छ ।
नेपाली सेनाको हेलिकोप्टर मेडिकल टिमसहित घटनास्थल आइपुगेको छ । दुर्घटनालगत्तै नेपाली सेना, नेपाल प्रहरी, सशस्त्र प्रहरी र स्थानीयले उद्धार गरेका थिए ।
अहिले पनि उद्धार जारी रहेको प्रहरीले जनाएको छ । प्रहरीका अनुसार केही गोताखोर पनि परिचालन गरिएको छ । गम्भीर घाइतेहरुलाई नेपाल सेनाको हेलिकोप्टरबाट काठमाडौं ल्याउने तयारी गरिएको छ ।
