८ भदौ, विराटनगर ।
हालै सम्पन्न काभा महिला नेसन्स लिग भलिबल प्रतियोगितामा उपविजेता बन्न सफल राष्ट्रिय महिला टोलीका खेलाडीहरू नगद पुरस्कारसहित सम्मानित भएका छन् ।
नेपाल भलिबल संघले शनिबार टोलीका खेलाडी, प्रशिक्षक र अफिसियललाई नगद पुरस्कारसहित सम्मान गरेको हो ।
खेलाडी र प्रशिक्षकलाई जनही एक लाख दुई हजार र व्यवस्थापक र फिजियोलाई जनही ८२ हजार रुपैँयाँ पुरस्कार प्रदान गरिएको छ ।
काभा वुमन्स नेसन्स लिगमा नेपाल फाइनल खेलमा भारतसँग ३–२ को सेटमा पराजित हुँदै उपविजेता बनेको थियो ।
