९ भदौ , एजेन्सी ।
लेबनानी आतंकवादी समूह हिजबुल्लाहले इजरायलमा ठूलो ड्रोन र रकेट आक्रमण गरेको छ। यसअघि इजरायलले लेबनानका धेरै क्षेत्रमा हिजबुल्लाहलाई निशाना बनाएर आक्रमण गरेको थियो ।
इजरायलमा हमलापछि लेबनानी आतंकवादी समूह हिजबुल्लाहले बेरुतमा मारिएका आफ्ना कमाण्डर फुआद शुक्रको हत्याको बदला लिएको बताएको छ । हिजबुल्लाहले यस हमलामा इजरायली सैन्य लक्ष्यहरूलाई निशाना बनाएको बताएको छ।
हिजबुल्लाहले इजरायली सेनाको ब्यारेक र आइरन डोमलाई निशाना बनाएको बताएको छ । हिजबुल्लाहले गत महिना बेरुतको दक्षिणी क्षेत्रमा मारिएका शीर्ष कमाण्डर फुआद शुक्रको हत्याको बदला लिने पहिलो कदम भएको बताएको छ।
इजरायली सेनाले पछिल्लो एक घण्टामा हिजबुल्लाहले इजरायलतर्फ १५० भन्दा बढी ड्रोन र रकेट प्रहार गरेको जनाएको छ । तीमध्ये अधिकांश इजरायलको उत्तरतिर लक्षित थिए। इजरायली रक्षा बल (आईडीएफ) ले भनेको छ कि उनीहरूले आक्रमणको बारेमा गुप्त सुचना प्राप्त गरेका थिए ।
त्यसअघि इजरायलले पहिले नै लेबनानमा हिजबुल्लाहको आक्रमण रोक्न हवाई हमला गरेको थियो । इजरायलले हिजबुल्लाहको आक्रमणको डरले लेबनानमा आक्रमण गरेको थियो। लेबनानी सञ्चारमाध्यमका अनुसार दक्षिणी लेबनानमा ४० वटा आक्रमण भएका छन्।
इजरायली रक्षा बलका प्रवक्ता रियर एडमिरल ड्यानियल हगारीले हिजबुल्लाहले इजरायलमा आक्रमण गर्ने तयारी गरिरहेको बताएपछि यो आक्रमण गरिएको थियो । यसपछि इजरायलले आइतबार बिहानै लेबनानमा शिया मिलिशिया हिजबुल्लाहको स्थानलाई लक्षित गरी हवाई हमला गरेको थियो।
इजरायली सेनाले एक विज्ञप्ति जारी गर्दै हिजबुल्लाहले ’इजरायली क्षेत्रतर्फ क्षेप्यास्त्र र रकेट प्रहार गर्ने तयारी गरिरहेको’ बताएको थियो । अनुमान अनुशार नै हिजबुल्लाहले न जवाफी कारबाही गरेको छ ।
इजरायली सेनाका प्रवक्ता रियर एडमिरल ड्यानियल हगारीले भने, ’यस्ता खतराहरूबाट बच्न (इजरायली सेना) लेबनानमा आतंकवादी लक्ष्यहरूमाथि आक्रमण गरिरहेको छ जहाँबाट हिजबुल्लाहले इजरायली नागरिकहरूलाई आक्रमण गर्ने षड्यन्त्र गरिरहेको छ ।
त्यसको केही समयपछि नै उत्तरी इजरायलमा साइरन बज्न थालेको थियो । ल सामाजिक सञ्जालमा उपलब्ध केही भिडियोहरूले दक्षिणी लेबनानमा आक्रमण भइरहेको देखाएको छ।
लेबनानमा इजरायली हवाई हमला पछि, तेल अवीव बाहिर इजरायलको बेन गुरियन अन्तर्राष्ट्रिय विमानस्थलमा आइपुगेका उडानहरू आइतवार डाइभर्ट गरियो र अन्य विमानहरू ढिलाइ भएका छन् ।
इजरायली मिडियाले इजरायली एयरपोर्ट अथोरिटीलाई उद्धृत गर्दै यो खबर दिएका हुन् । उडान ट्र्याकिङ डेटाले कम्तिमा दुई उडानहरू दक्षिणतिर फर्केको देखाएको छ। इजरेली प्रवक्ता हगारीले आफ्नो बयानमा भनेका थिए कि, ’हामीले देख्न सक्छौं कि हिजबुल्लाह लेबनानी नागरिकहरूलाई जोखिममा पार्दै इजरायलमा ठूलो मात्रामा आक्रमण गर्ने तयारी गरिरहेको छ ।’ उनले थप भनेका छन् ’हामी हिजबुल्लाह सक्रिय रहेको क्षेत्रमा बसोबास गर्ने नागरिकहरूलाई आफ्नो सुरक्षाको लागि तुरुन्तै छाड्न चेतावनी दिन्छौं।’
इजरायली आक्रमणमा एक शीर्ष हिजबुल्लाह कमाण्डरको मृत्यु र इरानमा संदिग्ध इजरायली आक्रमणमा हमास नेता इस्माइल हानियाको मृत्युले गाजा पट्टीमा जारी इजरायल–हमास युद्ध क्षेत्रीय द्वन्द्वमा परिणत हुन सक्ने डरलाई बलियो बनाएको छ।
