१० भदौ, विराटनगर ।
स्पेनिस ला लिगामा एट्लेटिको मड्रिडले जिरोनामाथि सहज जित दर्ता गरेको छ । आइतबार राति घरेलु मैदानमा भएको खेलमा एट्लेटिकोले जिरोनालालाई ३-० गोलले हराएको हो ।
एट्लेटिकोले नयाँ सिजनको ला लिगामा पहिलो जित निकालेको हो । लिगको पहिलो खेलमा भिल्लारियलसँग बराबरी खेलेको उसले चार अंक जोडेको छ ।
सिभिटास मेट्रोपोलिटानो स्टेडियममा एट्लेटिकोको जितमा एन्टोनी ग्रिजम्यान, मार्कोस लोरेन्टे र कोकेले एक-एक गोल गरे । खेलको ३९औं मिनेटमा ग्रिजम्यानले गोल गर्दै एट्लेटिकोलाई सुरुआती अग्रता दिलाएका थिए ।
४८औं मिनेटमा मार्को लोरेन्टेले गोल गरेपछि घरेलु टोलीले आफ्नो अग्रता दोब्बर बनयो । खेलको इन्ज्युरी समयमा कोकेले गोल गर्दै एट्लेटिकोलाई ३-० गोलको जित दिलाएका हुन् ।
