११ भदौ , एजेन्सी ।
इजिप्टले सोमवार इजरायलका अति दक्षिणपन्थी राष्ट्रिय सुरक्षामन्त्री इटामार बेन–गभिरले गरेको टिप्पणीको निन्दा गरेको छ ।
बेन–गभिरले जेरुसेलमको अल–अक्सा मस्जिद परिसर भित्र एउटा सभाघर निर्माण गर्नुपर्ने बताए ।
इजिप्टले इजरायललाई अल–अक्सा मस्जिदमा रहेको यथास्थितिलाई कानूनी रूपमा पालना गर्न र इस्लामिक पवित्र स्थलहरूलाई नोक्शान नगर्न आग्रह गरेको छ ।
इजिप्टको विदेश मन्त्रालयले इजरायलले कब्जा गर्ने शक्तिको रूपमा आफ्नो दायित्वहरूको पालना गर्नुपर्ने र क्षेत्रीय तनाव बढाउन सक्ने भड्कावपूर्ण टिप्पणीहरू गर्न बन्द गर्नुपर्ने बताएको छ ।
