२० भदौ, विराटनगर ।
मोरङको विराटनगर महानगरपालिका-२ तीनपैनीस्थित बिएसएन स्कुल अफ होटल म्यानेजमेन्ट स्कुलमा तिजविशेष कार्यक्रमको आयोजना गरिएको छ ।
स्कुल परिसरमा बिहीबार आयोजित उक्त कार्यक्रममा स्कुलले आफ्ना विद्यार्थीहरूलाई हरितालिका तिज पर्वको महत्त्व दर्शाएको थियो । यसै वर्ष भर्ना भएका होटल म्यानेजमेन्टका विद्यार्थीहरूलाई तिजको जानकारी गराएको हो ।
स्कुलका प्रोग्राम डाइरेक्टर मनोज राजवंशीले कार्यक्रममा सहभागी भएका विद्यार्थी तथा शिक्षक शिक्षिकाहरूलाई तिज पर्वको महत्त्वबारे बुझाउँदै शुभकामना दिएका थिए ।
पठनपाठनसँगै व्यवहारिक र सिपमुलक ज्ञान प्रदान गर्ने हिसाबले तिज पर्व कलेजमा मनाइएको राजवंशीले बताए । कार्यक्रममा बिएसएन स्कुलका डाइरेक्टर अनिता राजवंशी, एचओडी अजय चौधरी, शिक्षक सुमित ठाकुरलगायतको उपस्थित रहेको थियो ।
कार्यक्रममा उपस्थित सबै विद्यार्थी तथा शिक्षक-शिक्षिकालाई तिजको दरसमेत खुवाइएको थियो । यसै वर्षको शैक्षिक शत्रदेखि होटल म्यानेजमेन्ट विषयमा अध्यापन सुरु गरेको स्कुलमा ६३ जना विद्यार्थी भर्ना भएको राजवंशीले बताए ।
