२६ भदौ, काठमाडौं ।
काठमाडौं महानगरपालिकाका मेयर बालेन्द्र शाह (बालेन) काठमाडौँका नदीतटीय क्षेत्रको मापदण्डका विषयमा नेकपा एमाले र प्रधानमन्त्री केपी शर्मा ओलीविरुद्ध फेरि एकपटक खनिएका छन् ।
काठमाडौँका नदीतटीय क्षेत्रको मापदण्डको विषयमा प्रधानमन्त्री ओली र नेकपा एमालेले दोहोरो चरित्र देखाएको आरोप लगाउँदै बालेन खनिएका हुन् । मंगलबार सामाजिक सञ्जाल फेसबुकमा लामो स्टाटस लेख्दै उनी एमाले र प्रधानन्त्री ओलीविरुद्ध खनिएका हुन् ।
बालेनले आफू काठमाडौँ महानगरपालिकाको मेयरको उम्मेदवार बन्नुभन्दा तीन वर्षअघि नै सर्वोच्च अदालतले दिएको नदीतटीय मापदण्ड बनाउने आदेशलाई आफूले कार्यान्वय गर्ने प्रयास सुरु गरेपछि विरोध गरिएकोमा उनको आक्रोश छ ।
पाँच वर्षअघि नै अदालतले गरेको उक्त फैसलाविरुद्ध किन भ्याकेटमा नगएको भन्दै बालेनले अहिले यो विषय उछाल्नुलाई अवसरवादी चरित्रको संज्ञा दिएका छन् ।
