२८ भदौ, काठमाडौं ।
नेकपा माओवादी केन्द्रले उपसभामुख इन्दिरा रानामगरलाई हटाउने प्रयास गरेको सत्ता गठबन्धनको नियत ठिक नभएको निष्कर्ष निकालेको छ । शुक्रबार बसेको संसदीय दलको बैठकले उपसभामुख हटाउन खोज्ने सत्ता गठबन्धनको नियत ठिक नभएको निष्कर्ष निकालेको हो ।
माओवादीका प्रमुख सचेतक हितराज पाण्डेले उपसभामुख हटाउन खोजे प्रतिवाद गर्ने निर्णय गरेको छ । उनले भने, उपसभामुखको विषयमा हामीले कुरा आउनेबित्तिकै सशक्त ढंगले प्रतिवाद गरेकै छौं । उपसभामुखबाट केही कमजोरी भएकै लाग्छ हामीलाई पनि । सम्मानित पदमा बसेको मान्छेले लेटरहेड प्रयोग गर्दा विचार गर्नेपर्छ । तर, अहिलेको कुरा होइन । अहिले जसरी आयो त्यो बेठीक छ । त्यसैले उपसभामुखलाई हटाउने कुरा आयो भने प्रतिवाद गर्नेछौं ।’
