४ असोज , एजेन्सी ।
भारतमा आजदेखि आईफोन १६ सिरिजको बिक्री सुरु भएको छ । यससंगै त्यहाँ आईफोन १६ खरिद गर्ने ग्राहकहरुको लामो लाइन लागेको छ । भारतका एप्पल स्टोहरुमा ग्राहकहरुको लम्बेतान लाइन लागेको खबरसँगै युट्युबले सुरु गरेको नयाँ फिचरको खबर आज हामीले नेपाल टाइम्स अनलाइन समाचारमा लिएर आएका छौं ।
भारतीय मिडियाले बताएका छन् । मुम्बई र दिल्लीका एप्पल स्टोरबाहिर बिहानैदेखि नयाँ आईफोन १६ खरिद गर्ने मानिसहरुको थेगिनसक्नु भिड लागेको बताइएको छ । मानिसहरु स्टोर खुल्नुअघि नै ठूलो संख्यामा जम्मा भएका छन् ।
कोही ग्राहकहरु त २१ घण्टासम्म लाइनमा लागेको बताएका छन् । एप्पलले गत सेप्टेम्बर ९ मा आफ्नो बहुप्रतिक्षित आईफोन १६ सिरिज लञ्च गरेको थियो । एआई फिचर्सका सु–सज्जति आईफोन १६ पहिलेका सिरिजहरु भन्दा विशेष भएकाले ग्राहकहरुको यसप्रति निकै आकर्षण देखिएको छ ।
आईफोन–१६ सिरिजका मोडल पनि भारतमा एसेम्बल भईरहेपनि अन्य देशहरूको तुलनामा, भारतीय ग्राहकहरूलाई अझै पनि आईफोन किन्न महँगो परिरहेको छ । भारतमा प्रो म्याक्स मोडल अमेरिकाको तुलनामा भारतमा करिब ४४ हजार भारुले महँगो छ ।
योसँगै आइफोन–१६ मोडलमा करिब १३ हजार भारुको फरक छ । भारतमा आईफोन १६ को सुरुवाति मूल्य ७९ हजार ९ सय भारु र प्रो म्याक्सको मूल्य १ लाख ४४ हजार ९ सय भारु रहेको छ । जबकि अमेरिकामा सोही आईफोन–१६ मोडल ७९९ डलर अर्थात् र प्रो म्याक्स ११९९ डलर अर्थात् मा उपलब्ध छ ।
अमेरिका र क्यानडामा कर र आयात शुल्कको कमीका कारण भारतलगायत अन्य धेरै देशको तुलनामा आइफोन सधैं सस्तो रहेको छ । यसैबीच युट्युबले नयाँ फिचर ल्याएको छ । स्किप गर्न नमिल्ने लामो अवधिको विज्ञापन प्रशारित गरिरहेको युट्युबले दर्शकहरुका लागि नयाँ फिचर्स ल्याएको हो ।
अब दर्शकहरुले स्क्रिन पज नगरिकनै विज्ञापन स्किप गर्न सक्ने छन् । गुगलको स्वामित्वमा रहेको युट्युबले यो नयाँ फिचर्सलाई सबै विज्ञापनदाताहरूमा रोलआउट गरेको छ । अब युट्युब भिडियो पज हुँदा विज्ञापन स्क्रिनको छेउमा पप अप हुनेछ ।
यो दर्शकहरूको लागि सहज भएको र यो सम्पूर्ण युट्युब ईको सिस्टमका लागि लाभदायक अपडेट भएको गुगलका प्रवक्ताले बताएका छन् । प्रयोगकर्ताहरूले मासिक १३.९९ डलरको प्रिमियम सदस्यताको साथ विज्ञापनहरू पूर्ण रूपमा स्किप गर्न पनि सक्छन् ।
