४ कार्तिक, एजेन्सी ।
लिग २का लागि क्यानडापछि अमेरिका पुगेको नेपालीले टोलीले क्यानडाको खराब प्रर्दशनमा ब्यापक सुधार गरेको छ। नेपालले तीन खेलको टी–२० आई सिरिज एक खेलअगावै जितेको छ । आइतबार बिहान भएको खेलमा नेपालले दिएको १ सय ७१ रनको लक्ष्य पछ्याएको अमेरिकाले निर्धारित २० ओभरमा ८ विकेटको क्षतिमा १ सय ७० रन बनाएपछि खेल सुपर ओभरमा गएको थियो ।
सुपर ओभरमा सोमपाल कामीले २ रन दिँदा लगातार दुई विकेट लिए । सुपर ओभरमा कप्तान रोहित पौडेल र कुशल भुर्तेल क्रिजमा आएका थिए । नेपालले पहिलो खेलमा अमेरिकालाई १७ रनले हराएको थियो । सिरिजको अन्तिम खेल सोमबार बिहान हुनेछ ।
पाहुना टोलीले दिएको १ सय ७१ रनको लक्ष्य पछ्याएको अमेरिकाले निर्धारित ओभरमा ८ विकेटको क्षतिमा १ सय १६९ रन मात्र बनाउन सक्यो। दोस्रो विकेटका लागि साइतेजा मुखमल्ला र आन्द्रेसले ९२ रनको साझेदारी गरेपछि अमेरिका बलियो स्थितिमा पुगेको थियो ।
तर १२ औँ ओभरको अन्तिम बलमा दीपेन्द्रसिंह ऐरीले साइतेजालाई कुशल भुर्तेलको हातबाट क्याच आउट गराउँदै नेपाललाई महत्त्वपूर्ण सफलता दिलाएका थिए । साइतेजाले ४१ बलमा २ चौका र ३ छक्का सहयोगमा ४७ रन बनाएका थिए ।
आन्द्रेस ६२ रनमा पेभेलियन फर्के। उनले ४३ बलमा ३ चौका र ४ छक्का प्रहार गर्दा सोमपाल कामीको बलमा कुशल भुर्तेलको हातबाट आउट हुन पुगे। मिलिन्द कुमार १५ र सयान जहानजीरले १४ रन थपे ।नेपालका लागि करण केसीले तीन विकेट लिए ।
सोमपाल कामी, सागर ढकाल र दीपेन्द्रसिंह ऐरीले समान एक विकेट लिए । त्यसअघि अमेरिकाको डालासस्थित ग्राउन्ड पेरी स्टेडियममा टस जितेर ब्याटिङ गरेको नेपालले निर्धारित २० ओभरमा ६ विकेटको क्षतिमा १ सय ७० रनको योगफल तयार पारेको थियो ।
नेपालका लागि तेस्रो नम्बरमा ब्याटिङमा आएका कुशलले उत्कृष्ट प्रर्दशन गर्दै टिममा लागि ९२ रनको योगदान दिए । ५४ बलमा ७ चौका र ६ छक्का सहयोगमा सर्वाधिक ९२ रनको अविजित पारी खेले । यससंगै कुशल भुर्तेल प्लेयर अफ द म्याच भएका छन् ।
सन् २०२१ अप्रिल १७ मा टि ट्वान्टी आईमा डेब्यु गरेका कुशलले यसअघि ४ प्लेयर अफ द म्याच जितेका थिए । यस्तै ३१ बलमा २ चौका र १ छक्का प्रहार गरेका ओपनर अनिल शाह २५ रनमा पेभेलियन फर्के । अर्का ओपनर आशिफ शेख तेस्रो ओभरको चौथो बलमा ४ बलमा १ रन बनाउँदा सौरभ नेत्रवल्करको बलमा एलबीडब्धु धरापमा परे ।
गुल्सन झा १९ र कप्तान रोहित पौडेल १८ रनमा आउट भए । दीपेन्द्रसिंह ऐरी २ रनमा क्याच आउट भए। आशिफ शेख १ रनमा रनआउट भए । अमेरिकाका लागि नोतुस र जसदीप सिंहले समान २ विकेट लिए। सौरभले एक विकेट झारे ।
टी–२० सिरिजपछि नेपाली टोलीले आईसीसी विश्वकप लिग–२ अन्तर्गत अमेरिका र स्कटल्यान्ड सम्मिलित त्रिकोणात्मक सिरिज खेल्नेछ । सिरिजका लागि नेपालका लेग स्पिनर सन्दीप लामिछाने समेत अमेरिकामा पुगेका छन् ।
अमेरिकाले भिसा दिा ढिलाइ गरेका कारण उनले टी २० सिरिज भने गुमाएका छन् । लिग–२ मा नेपालले अमेरिकासँग २७ अक्टोबर र २ नोभेम्बर (कात्तिक ११ र १७ गते) तथा स्कटल्यान्डसँग २९ अक्टोबर र ४ नोभेम्बरमा (कात्तिक १३ र १९ गते) खेल्नेछ ।
क्यानडामा भएको लिग टू अन्तर्गतको त्रिकोणात्मक सिरिज र त्यसपछि भएको टि ट्वान्टी आई सिरिजको खराब प्रदर्शनलाई सुधार गर्दै नेपालले एक खेल अगावै सिरिज कब्जा गरेर अमेरिका भ्रमणको सुखद सुरुवात गरिसकेको छ ।
नेपाल क्रिकेट संघले लिग २ का लागि नेपालका पूर्व प्रमुख प्रशिक्षक पुबुदुु दासानायकेलाई नेपाली टोलीको मेन्टर नियुक्त गरिसकेको छ । अंक तालिकामा भने नेपाल सातौं स्थानमा छ। नेपालले ८ खेलमा १ खेल मात्र जित निकालेको छ।
क्यानडामा १ खेल वर्षाले अवरूद्ध हुँदा नेपालले एक अंक पाएको थियो। नेपालले ३ अंक मात्र जोड्न सकेको छ। नेपाल ६ खेलमा त पराजित भइसकेको छ । अंक तालिकाको पुछारमा रहेको युएईको ७ खेलबाट २ अंक छ । क्यानडा अंक तालिकाको शीर्ष स्थानमा उक्लिएको छ ।
नामिबियामा भएको सिरिजका चारै खेल जितेको अमेरिका पनि अंक तालिकाको दोस्रो स्थानमा छ। अमेरिकासँग समान अंक भएको नेदरल्यान्ड्स अंक तालिकाको तेस्रो स्थानमा रहेको छ। स्कटल्यान्ड ७ खेलबाट ९ अंक जोड्दै पाँचौ स्थानमा छ भने ओमान ८ खेलबाट ६ अंक बटुल्दै छैटौं स्थानमा छ।
