एजेन्सी,असोज १२
चीनमा विश्वकै सबैभन्दा ठूलो आकारको लामखुट्टे फेला परेको छ । गत अगष्टमा चीनमा पहिलोपटक यो प्रजातिको सबैभन्दा ठूलो लामखुट्टे फेला परेको हो ।
पखेटा फैलाउँदा यो लामखुट्टेको आकार ११.१५ सेन्टिमिटर हुन्छ ।सिचुआन प्रान्तका जिव वैज्ञानिकहरुले यो भिमकाय लामखुट्टेको खोजी गरेका हुन् ।
हालोरुसिया मिकादो प्रजातिको यो लामखुट्टे सबैभन्दा पहिले जापानमा पाइएको थियो ।यो लामखुट्टे देख्दामा निकै डरलाग्दो देखिन्छ । तर यसले मानिसको रगत चुस्दैन । फलफूलको रस आदि यसको आहारा हो ।
विज्ञहरुका अनुसार विश्वमा लामखुट्टेका हजारौँ प्रजातिहरु छन् । त्यसमा केही १ सय जति प्रजातिहरुले मात्र मानिसको रगत चुस्ने तथा अन्य खाले स्वास्थ्य समस्या सिर्जना गर्ने गर्दछन् ।
