काठमाडौँ,असोज १३
पछिल्लो ५ महिनाको अवधिमा देशभर ७ सयभन्दा बढी बलात्कारका घटना भएका छन् । सरकारले प्रतिनिधिसभाको महिला तथा सामाजिक समितिमा पेस गरेको विवरणमा सो तथ्य देखिएको हो ।
बिहीबार समिति बैठकमा गृहमन्त्री रामबहादुर थापा, महिला, बालबालिका तथा जेष्ठ नागरिक मन्त्री थममाया थापामगर र प्रहरी महानिरीक्षक सर्वेन्द्र खनालसहित उपस्थित भएर महिला हिंसाकोपछिल्लो अवस्थाबारे जानकारी गराएका थिए।
नेपाल प्रहरीको स्रोतबाट लिइएको उक्त प्रतिवेदनमा गत वैशाखदेखि भदौसम्म ७ सय १० वटा जबर्जस्ती करणीका घटना भएका तथ्यांक छ।
लैङ्गिक हिंसाको अवस्था शीर्षकमाप्रहरीले सार्वजनिक गरेको तथ्यांकअनुसार सोही अवधिमा ३ सय ९१ जबर्जस्ती करणीको उजुरी परेको छ।
त्यस्तै बहुविवाहको ३ सय ४०, बालविवाहका घटना ४० भएका छन् भने घरेलु हिंसाको घटना उच्च देखिएको छ।तथ्यांकअनुसार घरेलु हिंसाका घटना ५ हजार ४ सय १७ रहेको छ। अवैधगर्भपतनको उजुरी भने १० वटा मात्रै प्रहरी तथ्यांक छ।
पछिल्ला वर्षमा महिला हिंसा र बलात्कारका घटनाका उजुरीको चाप बढेको प्रहरीले बताएको छ। (कान्तिपुरबाट)
